Sydney。悉尼。我地黎啦 Day ONE (With Videos)

 

 ( 第一次學人咁放相，哈哈，可以放多幾張，豐富D ma。
不過  D圖唔清呀，有D晒左D相既感覺，請大家忍耐一下，下篇唔會咁架啦！)

22-5-2009
          
         天矇光，Victor就車我地去機場啦！我地係車度見到澳洲好興既熱氣球，真係好想試一次！不過好貴   今次我地坐Jet Star過去，Qantas番黎。哇哈哈哈！我地成晚訓得兩粒鐘，就上機啦！你睇傑累到 >>

     相聚別離，真係感人既一幕 ~

    我地坐Train去到Museum呢個站落車，先去Hotel放行李！哇，原來比英國統治
    過，文化真係唔同D架，個車站呢真係好過癮，好似魔幻王國果個！

    又古舊又有特色！我好鐘意呢度呀，你地睇下，D Train係3層架，個扶手幾特
    別，嘻嘻，我地真係大鄉里呀！

     Museum落車行10分鐘，就到酒店，呢間係位於Sydney市中心，Metro Sydney
     Hotel On Pitt，4星半，外形睇落去好唔吸引，唔算豪華，但係乾淨簡單又有
     少少家既感覺，我地晚晚都好好訓，仲要去邊都方便，價錢我都唔記得啦，
     但唔貴，真係推薦大家去呢間呀！！！

     然後我地就出門口啦，今日第一日，我地去摸熟下D路，同埋去D Easy D既地
     方。大鄉里又黎啦，見唔見樓房之間有個路軌，哈哈，有單軌火車行架！好特
     別！

      

     唐人街，有鬼佬剪紙影！

    Darling Harbour！好多游艇呢，呢D有錢人既地方真係唔岩我地D窮人。

    大象係由海象進化的，咁善良既海象，真係就黎絕種啦！

       

    

     夜晚既Darling Harbour ~

 

     我地諗住摸下路行去Opera House，係Rocks果頭迷路了，累到死之下我地見
     到餐廳就入，不過，呢間既Burger真係唔錯呢！廚師用料好講究，Beef 即壓
     即煎，又大又厚又多汁！每樣野都慢慢黎，我地等左半個幾鐘先有得食呢 ~

最後，我地成功憑住毅力到達Opera House，叫做睇過個夜景啦，因為落雨呀，
我地好快就番Hotel教教豬啦！

 

 

                                                                                                              麗

DoReMiFaSo - 細路仔學琴

      早排突發奇想，自己諗住上網學下彈琴。
睇下睇下，drop下notes，研究左幾日，終於忍唔住去左買琴。
嘩~買完一路行返屋企一路笑，真係好開心～哈哈。

　　

        
        買左個Keyboard返黎，真係好開心，而且價錢都ｏｋ，講價平左A$10@@～
自己都心知真係有興趣先會買，絕對唔係三分鐘熱度。
買完返黎，依排每日既主要活動都係練琴。哈哈，上網睇下YouTube學野，唔明又問下家敏。自己覺得進度都唔差，希望真係啦@@~
      
        買完返黎第一首學既歌係London Bridge~哈哈~真係成個細路仔咁~
不過依家開始試好多難d既lu~

      


        依家學雖然好遲~不過唔緊要丫我覺得~自己興趣~閒時彈下歌都幾開心丫。
當自己玩下咁～叻就梗係好啦，但依家我既目標唔係叻，係自己可以隨時開心彈下鐘意既歌～

　　其實真係同佢相逢恨晚...又或者應該話自己以前做咩唔識爭取機會．．．浪費左好多光陰~不過唔緊要啦~最緊要係依家Keep going~^^~Cheers!

 
                                                                                                                               傑

船

 

如果家是一個避風塘，那麼我就是那艘沒有避風塘的船。
在這風大浪大又一望無際的大海，感覺很迷網，很沒有安全感。
在這飄浮不定的世界，很難找到自己的位置。

很感謝身邊有人支持我，但我彷佛不夠強壯，
縱使每天都積極樂觀，努力去生活，但我心總是不安定和沒有安全感，
總是很害怕很害怕，不懂得哭也不懂得釋放，也不太懂得找人傾訴，
跟以往那個我相反了… 反常了…

傷痛直接陷入心底

我感覺到內心的古怪…那沉默的變化…
我好驚…

 

                                                                                                 麗

後記 By 傑

這充滿惡浪、暗湧的大海，儘管無邊無際，但總會有岸的。

雖然你的避風塘已被吞噬，只能隨風漂流，風向縱使不定，但我相信上天總有無形的主宰。即使天意不公平，人仍然有自己的一雙手，沒有船漿，仍能以手撥水。船，終能夠靠岸的。

雖然浮浮沉沉使你疲累了，縱使船上的食物支撐不了妳多久，但也許岸就在前方不遠，成功總會留給堅持的人。

避風塘壞了，可以再建造。等到那一天到了岸邊，我們就再來建造一個更穩更固的避風塘。惡浪再高再大，也只不過是風與水，二人合力去對抗吧。

青紅椒炒黑椒牛柳 (附食譜)

呢味懶人送仲簡單，嘻嘻

 

食譜

 

材料：青紅椒各一隻，兩塊醃好左既黑椒牛扒

生粉獻：生粉，水，糖

 

> 橫切牛羊斜切豬！記住！打橫切好牛扒，青紅椒都切好

> 起蒜頭油鑊，炒青紅椒先，加鹽，雞粉，糖，炒好上碟備用

> 跟手大火炒熟牛柳， 呢個時候我鐘意加多少少黑椒，炒到差唔多時呢，就加埋炒好既青紅椒，加生粉獻，咁個送就會立立令，又甜甜地架啦！

 

                                                                                                            麗

肉碎蒸水蛋 (附食譜)

今日又分享一下食譜丫，話明新手，簡單又好味既蒸水蛋當然唔可以錯過。

 

食譜

材料：三隻蛋蛋，$5蚊雞免治豬肉，( 最好既可以加史雲生清雞湯 )

> 其實都係打蛋，加鹽加雞粉，跟住水既份量就係同蛋槳一樣份量既水或者雞湯，如果加左雞湯，就唔洗落雞粉囉。(我自己覺得可以3份2雞湯 + 3份1清水)

> 跟住加肉碎同蔥花，攪勻佢，用碟水滾大火蒸7分鐘啦，確保D肉熟晒。

 

        仲有，你地係咪見到呢D豆豆呢，其實呢D叫毛豆，姐係嫩黃豆，係我媽媽湖北既小菜。只要剪走兩邊尖角角，洗乾淨，用水烚3分鐘，撈上黎點浙江醋(醋加麻油同蒜頭)，用牙吞粒百出黎食就得啦！

 

                                                                                                                 麗

 

 

Bang蕉．轟 - M2A2 Bradley Fighting Vehicle

發覺尼個世界無左電腦真係會末日...
我岩岩就過完一次沒有電腦的一個星期~
無得傾計，無得上網~
我就係靠TV同尼架模型過活...

個日睇完Harry Potter坐車返屋企，俾我發現左一間模型店，真係好少見。
嘩，都唔知有幾多年冇砌過模型喇，七年八年都有，估唔到會係澳洲重拾尼個玩意。見咁耐冇砌，揀d平既啦~揀完俾完錢，行返屋企一路都好開心，哈哈。個感覺真係好難形容~

哈哈哈哈~正式動工喇!

全部細細舊，好易整斷或者唔見，其實我都唔見左幾粒野~好在唔多覺...

上色真係幾難，厚薄個ｄ～依家成架都一樣色，遲ｄ要痴膠紙個ｄ都唔知點算～

砌左４日，終於搞掂晒～仲用埋泥筆做少少舊化。
家麗叫我放係屋外面影相，又真係幾岩～

個履帶都加左泥筆舊化～

細個砌都係玩玩下，依家砌既感覺又同以前唔同～
已經將佢列為興趣，諗到第時屋企有個櫃放晒自己砌既模型～
同埋個種細細件零件慢慢去組成既感覺...

依家有電腦用，上網睇完人地ｄ技巧，真係博大精深～
希望自己慢慢會進步啦~

　　　　　　　　　　　　　　　　　　　　　　　　　　　　　　傑

 

 

St Kilda Beach - Two of us under the Sunset

13-4-2009

         趁住夏季最後既一日，我地又黎到呢個海灘啦，今次既角度唔係觀光，而係親身落水玩！玩！玩！

係香港，真係未見過咁闊咁大既海，眼界闊好多，心境都輕鬆廣闊好多~

一日落就唔玩得架啦，因為會好凍，跟住我地就上水影相~

我地有個不求人既習慣，周圍諗辦法set機影相，因為可以隨意擺Post ^^

        其實真係有D好好笑既相，有個鬼妹坐係旁邊見到我地次次set機10秒內跑過去亂影，都係咁笑 ^___^"""

 

          天愈黎愈黑了…

我好鐘意呢張相，流浪feel有狗狗不特止，仲要飲水呢下先有feel！

         Sundown之下，有幾多開心既小影子 ~  有一家大細，有一班朋友，有情人… 真係有一種大自然孕育住我地既感覺 ~  風景有幾靚，我己經唔識得去形容了，留比大家去感覺吧！

 

 

真係好鐘意外國既大自然，澳洲，我一定會再番黎架！我要你再孕育我！

傑個頭，唔知同後面果棵棕櫚樹有咩分別呢？Heehee...

拜拜！

 

                        

                                                                                                                   麗

織織復織織。溫暖牌頸巾

2009年的

呢條係我最近織比傑既頸巾，因為傑皮膚易敏感，專登買左for Baby用既冷，不過太幼了，最後都要雙線織，密密麻麻既心機，令我第一次織到手筋痛，哈哈！

2007年的

呢條係我第一條織比傑的，臨去澳洲前，我又番工又番學日夜趕工織的 >O<"

 

200?年的

呢條幾年前，織比自己架 ~ 意大利冷，超級超級舒服！之後我想買都搵唔到啦！

後記 By 傑

        辛苦你喇~都係多得你織俾我，我冬天先唔會凍親咋

黑色尼條都陪左我2個冬天，有時明明未到好凍我都急住拎出黎戴，哈哈

雖然今次白色尼條我未收到，但見到相都好舒服，好開心^_^

溫暖牌真係無價之寶。