Bang蕉．轟 - M2A2 Bradley Fighting Vehicle

發覺尼個世界無左電腦真係會末日...
我岩岩就過完一次沒有電腦的一個星期~
無得傾計，無得上網~
我就係靠TV同尼架模型過活...

個日睇完Harry Potter坐車返屋企，俾我發現左一間模型店，真係好少見。
嘩，都唔知有幾多年冇砌過模型喇，七年八年都有，估唔到會係澳洲重拾尼個玩意。見咁耐冇砌，揀d平既啦~揀完俾完錢，行返屋企一路都好開心，哈哈。個感覺真係好難形容~

哈哈哈哈~正式動工喇!

全部細細舊，好易整斷或者唔見，其實我都唔見左幾粒野~好在唔多覺...

上色真係幾難，厚薄個ｄ～依家成架都一樣色，遲ｄ要痴膠紙個ｄ都唔知點算～

砌左４日，終於搞掂晒～仲用埋泥筆做少少舊化。
家麗叫我放係屋外面影相，又真係幾岩～

個履帶都加左泥筆舊化～

細個砌都係玩玩下，依家砌既感覺又同以前唔同～
已經將佢列為興趣，諗到第時屋企有個櫃放晒自己砌既模型～
同埋個種細細件零件慢慢去組成既感覺...

依家有電腦用，上網睇完人地ｄ技巧，真係博大精深～
希望自己慢慢會進步啦~

　　　　　　　　　　　　　　　　　　　　　　　　　　　　　　傑

 

 

織織復織織。溫暖牌頸巾

2009年的

呢條係我最近織比傑既頸巾，因為傑皮膚易敏感，專登買左for Baby用既冷，不過太幼了，最後都要雙線織，密密麻麻既心機，令我第一次織到手筋痛，哈哈！

2007年的

呢條係我第一條織比傑的，臨去澳洲前，我又番工又番學日夜趕工織的 >O<"

 

200?年的

呢條幾年前，織比自己架 ~ 意大利冷，超級超級舒服！之後我想買都搵唔到啦！

後記 By 傑

        辛苦你喇~都係多得你織俾我，我冬天先唔會凍親咋

黑色尼條都陪左我2個冬天，有時明明未到好凍我都急住拎出黎戴，哈哈

雖然今次白色尼條我未收到，但見到相都好舒服，好開心^_^

溫暖牌真係無價之寶。

深水埗特色。覓布的三天

 

         補打番之前整包包去ShumShuiPo尋布之旅！幾經辛苦，終於比我搵到有得散買布既地方啦！雖然好熱好辛苦，不過呢個地區真係好有特色，令我過左特別既三日 ~ 好開心！

我係呢間買左2塊布，又係第二間買多兩塊 ~

 

 

基隆街呢樹，有非常之多既手工藝店鋪。

特別嗎？地球人都知道興記生果平靚正！你係咪地球人呢？

 


仲有大魚魚！我地真係好大鄉里，好多野都未見過 ^^"

累到唔知點既時候，嘆左碗又滑又凍冰冰既豆腐花 ^O^

         真係唔好睇少ShumShuiPo呢個地方！其實不知幾多專業人士黎呢度搵材料，果種專業既感覺，另到我覺得自己好渺小呢 ~ 淨係睇下呢條布行街就知！

 

 

                                                                                                         麗

我的第一個口金包

>O<... 我研究左好多日了，花了很多個小時，都畫唔到一個岩既版圖，呢個係我琴晚失敗完之後發脾氣亂黎既一個作品，冇單膠綿我就用卓絨布，唔識得將裡布同表布拼合再反，恕小女愚鈍，有望高人指點 ^^"


如下圖，我本來想做一個長方底口金的，但係網上教學實在有限，我在完全不明白的情況下自己嘗試和估算。最終只能做了個較易的扇貝形。

結果我不懂得怎樣去畫底部的長度和闊度 >_____<"
其實長度應該是跟下面那個，闊度應該是上面的！


我由甚麼都不知道到自己出去ShumShuiPo找了三天材料，到各大書店看書，過程真的有點艱辛，但我實在對縫紉方面十分有興趣，有望高人能夠指點一下 ^__^""


＊  到底版圖應該怎樣畫？
＊  怎樣預Size令到口金可以包滿，然而布要比口金闊多少呢？
＊  表布和裡布縫合再反的過程到底是怎樣呢？

 

 

 

後記 By 傑

It is so beautiful~!

It looks bigger than what I've imagined.

Haha, at least the Hello Kitty can be put inside.

If I were a stranger, I would just not believe that is your first try.

Although you have spent so much time for this, I think you really have intelligence at needlework.

Cherrs~!