A貨。豬柳蛋漢堡

又簡單又好食！個Muffins呢，烘一烘，或者放係煎Pan上面烘脆，會好食好多~
芝士一定買番Buger Cheese，加塊豬柳煎隻蛋 (唔洗落鹽) 就Okay啦己經 ~
味道同麥叔叔果個機乎一樣！岩晒D好鐘意食麥叔叔既小朋友，
一定可以哄到佢地呢！

有時我仲會煎塊煙肉入去tim，好正架 ~

 

                                                                                                                          麗

堅強的倒下…徹底的破碎…但我永不放棄

我真係好想  好想大喊：我唔得啦、我頂唔順啦、我撐唔住啦！
每一日我都好努力咁嘗試爬起身，撐起黎
但係每一次舊既傷口未好，新傷就接踵而黎


我好努力，盡量唔去比屋企同家人影響到
盡能力唔比佢既說話影響
但係奈何呢個係你阿媽，生育你而餵養你
親密之情不可斬！
她的每一句說話可比利刃更利
她的所作所為可比鐵錐更痛
每一字粗言穢語的稱呼，每一巴掌一巴掌的痛打，每一句難聽的咒罵
痛的絕對不是皮肉，而是那顆心
建不了防護牆、建不了抗體不是我軟弱！
而是因為愛！因為有愛才如此脆弱不堪 … 才讓你傷害得如此深 …

十九年來，我總是毫無自信、自尊掃地的過，就是因為你太"強悍"
你總用粗言穢語來形容我，我快樂的時候總會磨損我的自尊心，
我有少許成就時總會踐踏我的一切，喜歡將我的功課撕掉、
將我的書包及書本都掉出走廊，更不說你隔天就打我一次，
用的可不是衣架或騰條，而是一切硬物及地拖棍，
你總會當著許多人面前做讓我極度羞恥和痛苦的事，
例如當著老師面前掌刮我，在商場打我打得人們也圍觀，
使力扯我的頭髮撞牆，我哭時會鬧我樣衰樣賤好黑人憎，
更會將留了長指甲的手指用力wear開我個口，用指甲Mi塊面，
由細到大滿身滿面都係傷瘀咁番學，己經係一件習以為常的事，
小學時曾經有老師見到呢D傷，反而鬧我低死，中四既時候，
亦都試過比隔離班幾個同學笑住指住我大大聲話：哇！你比打呀！哈哈
呢十九年黎無自信無自尊既經歷，仲有好多好多，根本寫唔出黎 …
亦到留下永不磨滅既傷痕同恐懼


人大了，就愈黎愈清楚自己同其他人既心智成長分別，原來冇自信冇自尊帶黎既影響係好大好深遠！所以努力去改善自己！睇書睇書睇書！不停向他人學習！決心自己努力擺脫呢個世界！增取其他人有既野！學習正常人既生活！自己爭取幸福！我要有人地有既野！甚至比人地更好！


一直都還好，直到上年一月，差不多擺脫呢個世界時，屋企就發生大事，媽犯下大錯還不知悔改，更不清楚你為身邊既人帶黎既痛和傷！但我沒有倒下！甚至眼淚也沒流！就堅強的撐起一切一切！撐起整個家！去處理父親的情緒！去支撐佢！亦處理著你的情緒！當屋企一嘈就撐住！自己從來未休息過，未倒下過流過眼淚！二月中我走了五月中從澳洲回來，沒想過情況更差了，你們沒有解決問題，就只會嘈交打架，三個月中發生了不少令人發癲既事！而你亦不停在我耳邊講左好多令我辛苦的事！不停將大人既責任放落我度！不停將大人既情緒交比我！但我還是一直的撐住！沒有哭也保持平靜！但卻慢慢發現自己內心的轉變。


最近，大概八月中時，我頂唔順啦，己經撐唔黎！係我崩潰邊緣既時候，我諗盡辦法令自己企起身！買左本書睇，初時以為係道理書，後黎發現原來係一本情緒治療書，經過慢慢詳細細仔既了解並做測驗之後，我亦發現自己原來早於三年前患上中度抑鬱症同嚴重焦慮症。這些日子來我都過得十分艱苦，中間有痊癒過，而我肯定五月份回來之後是第二次番發，就即是最近這幾個月的事。特別係最近呢個幾月，真係好痛苦！當我一得悉個結果，我亦驚覺事情並不簡單，愈了解就愈發覺問題的嚴重性，因為我唔想再傷害身邊既人，唔想身邊既人比我影響到唔開心，所以就立下決心搵醫生治療，於是乎搵社工幫忙，可惜… 轉了一個部門又一個部門…差不多一個月了，還未有一個人真正打黎傾過計 … 真係冇咩期望啦，最後決定靠自己！


怕黑既我傷痛湧出黎既時候反而黑暗使我感到安全，今夜我獨自躲在黑暗的房間痛哭，好驚好驚，毫無安全感的弱小心靈使我全身都顫抖，我害怕光線亦害怕聲音，真係撐不住了，我好累，心力交瘁，我真係唔知自己仲可以撐幾耐，我好想放棄，但當我正準備由得自己沉下去既時候，我突然想起就係正正因為自己既痛苦，我更應該勇敢去經歷並學習跨過！我一定要克服一切，做個好媽媽！我要中止呢一切！我要我既下一代健健康康，快快樂樂！我要建立一個溫馨安穩既家！我要我身邊既人都舒服快樂！

  

要用戰勝痛苦的力量，為自己為身邊既人帶黎快樂！

                                                                                                                           麗

================================================

加油ar！好媽媽～

我知道你一定跨得過去的，我都會陪住你行，你得ｇａ！

我今日上堂偷懶睇完篇blog，開初都有少少sad，亦有擔心，

不過睇到最後，我已經感受到你既正能量！

其實亦都開始感受到個種舒服快樂！

雖然有時會為你擔心，但同時都會對你放心，

因為我知道你好識諗，好叻，好犀利！

要建立一個溫馨快樂既家，咁我都要做個好爸爸！

努力！戰勝！快樂！^_^

                                                                                                           傑

APM+九龍灣。行街街

 

話說打完快樂邊爐之後，美子話不如聽日行一陣街囉，於是我地11點起身，我地都估唔到今日有人轉死性喎。出去觀塘譚仔食米線，跟住行APM，我同美子買左件衫，一人一隻色，不過佢果件冇碼喎，咪再出去九龍灣分店拎囉！呢日話係話行一陣呀，不過行就行左半日啦！呢兩日簡簡單單，同你地一齊真係好開心 ~

土匪雞翼，好好食呀~~

四川麻辣雞翼，真係非常麻辣 ~

                                                                                                                       麗

朋友們。打邊爐

星期六夜晚10點，我地四個去左九龍灣既稻香打邊爐，一路傾一路食，好開心呢~打到12點幾先完，地鐵尾班都趕唔上，於是就係彩虹開始行，一路傾一路傾，有講有笑，唔覺意就行左成個鐘，呢晚大家都2點幾先番到屋企呢 ~

D豉油自己落調味料~

這是羊！

美國肥牛 ~

雜菌芝士墨魚丸 ~

珊瑚玤是也 ~

咖哩牛丸是也 ~

 

                                                                                                                         麗

避風塘雞翼 & 炒蜜糖豆 (附食譜)

呵呵呵，琴日去圖書館睇書，見到有本百變雞翼Cook得起，入面有個叫避風塘雞翼，見今日黎個⊥3號波仔，就當應下境，黎個避風糖雞翼啦！



食譜


材料：雞中翼、辣椒、蒜頭、薑、淮鹽



> 首先，雞翼去骨，然後一開二 ( 我其實係因為唔夠力就咁一開二隻雞翼，
   搞到有骨碎，所以索性去埋骨，咁樣啖啖肉呢~ )

                       

                                     見到D雞翼冇晒骨，唔知點解好心涼！
                                 有一種「抵死啦你 ~~ Heeee！」咁既感覺

> 然後呢，就用淮鹽、薑、少許鹽、少許酒、少許糖醃半個鐘 ( 最好就一晚啦 )

> 跟住就炸好蒜頭，備用

> 拎走雞翼D薑，掉左佢，然後沾上生粉，然後落鑊半煎炸，
   煎到金黃熟透之後就上一上碟備用

> 大火起油鑊，另爆蒜頭、辣椒，落雞翼大火爆香，再灑上淮鹽
   同埋炸好既蒜頭，咁就大功告成啦 ~

食譜


材料：蜜糖豆


> 豆豆除去兩邊既絲，洗淨

> 大火起油鑊，兜一陣，跟住落雞粉、鹽、糖，大概炒5至6分鐘就ok

 

 

                                                                                                       麗

金菇肥牛卷 (附食譜)

食譜

材料：金菇一包，肥牛 (我只用左5,6片肥牛)

淋面醬汁：生抽、蠔油、糖、雞粉、生粉、水
"少量"金菇調味汁：少許生抽、少許糖、少許水

> 肥牛鋪好用鹽、雞粉、糊椒、少少生抽醃一醃

> 金菇飛一飛水

> 肥牛包金菇時，在金菇上面沾調味汁，再逐一包好
   (目的係想包住係入面既金菇都有味)

> 煎！

> 煮好個醬再淋上面就ok架啦 ~

 

                                                                                                              麗

家。家附近

 

     下面呢幾張係我地屋企既相 ~

     對開既馬路

     我地平時就行路出去買送的，大概20分鐘，下面既屋仔就係我地每次經過的~
     我地買完送都會聽住歌、唱住歌番屋企，好開心的~  
     呢種生活真係好寫意，好悠閒，好鐘意呀 ~

     其實係影人地屋企係一件好大鄉里既事情，但係，我真係大鄉里呀！
     係香港邊有呢D屋喎！見到就已經好開心啦！
     我好細個好細個既時候就好嚮往呢D屋啦！

     外國既生活空間真係好大，路寬，停車場既拍車位也非常足夠，
     唔似得香港咁迫澀，連透氣既空間都冇，就算落到去公園仔，
     空氣都非常之差！還要配著馬路既躁音，而不是恬靜的鳥雨花香呢。

     我唔明點解人解後花園會種D咁巨型既仙人掌！

    到我就走既時候，秋天己經黎左啦。
    有一日我地出去，見到成個景象都唔同晒，好靚呀！

     有D路又會種左D長春樹喎 ~

                                                                                                             麗