征服魔鬼山

今日好開心既一日呀 ~  因為我地三人一齊徵服左魔鬼山！

其實係行到去第二座山，叫五桂山架啦 ~
不過因為我地冇晒水，同埋我有少少中暑既跡象，
再加上原來真實既難度係真係唔簡單，所以中途放棄，
由華人永遠墳場果面落番山。



一開始個起點都係墳場，行過一大條羅命既大斜，先真正開始！
上網搵好晒資料，又話難易度得3星，實質對於我地黎講都好累下 ~

上到去其中一個山頭度，發現有人隱居於此！
仲寫意到種花，呢度真係好靚 ~ 佢就住係第一張相既盡頭。

跟住再行樓梯！

行呀行呀行呀！熱到暈
終於到左古炮台，呢度既難度先真正開始！

穿過一條窄窄的古舊圍牆，再上樓梯，
就到左呢個可以將城市盡收眼底既平台啦 ~

有矮牽牛 ~

之後我地要係平台附近既古炮台找出小路！
而小路係係古炮台既外圍 ~
花左一段時間先搵得到呢！

肥傑係後面裝我影完未，好似小朋友咁。

我地就係咁穿越窄窄既小路 ~

好有一陣陰森既感覺架 ~

終於搵到一個唔起眼既位，用雙手全力撐起全身上石駁，
再用之前好心行山人士整既梯爬落黎，咁先著地。
然後再面向墳場行過去。

哇！諗都冇諗過係會有咁危險既路線。
呢D真係人行出黎既山路，有人好心係極斜既地段搭左一截簡單既扶手。
全靠佢我地先行得到咋 ~~

真係好斜架 ~

行完以上果段之後，前面迎黎既係更！斜！更高難度 ~
肥傑先小心咁落去，我地後隨 ~
再艱險都要影相，不過我地係好注意安全的 ~

好小心好艱巨咁落晒全部既斜啦！

你睇下！係遠到咁架！真係開心到不得了 ~
當你個人身心都好累，考慮過放棄，而最後又勇敢咁征服左佢既時候，
係真係好有成功感架！

而當你全身濕完又乾，乾完又濕，又熱又累咁行完成座山，
個人既心情仍然都係好開心時，呢種就係行山既感覺啦！
我好鐘意呢種徹徹底底，為運動為大自然付出一切既感覺，好爽 ~

完lu ~




之後我同肥傑番屋企，去朗豪坊行左陣，諗住去Log-on睇下背包 ~
點知我地兩個都一齊睇岩左 ~~ 加上又有折，一口氣就買左兩個靚包，
一個買比自己，一個係送比肥傑！做4週年既禮物！
因為我依加先出糧呀，真係好想用自己錢送野比佢，
所以遲左一個月之後先補禮物比佢 ~

我地兩個都勁鐘意自己個袋 ~ 又平又抵又鐘意呀！

                                                                                                           麗

Best Of Me

這天晚上聽著一支英文歌，細嚼著令人深深感到惋惜的歌詞，明明歌詞的內容與我毫不相關，但窩心的旋律卻真真切切的，重覆又重覆地打進心裡。


這陣子在找著資料準備出國旅遊，細心的查看很多陌生的資料，快樂的計劃著要幹些甚麼新鮮的，明明是一件簡單又興奮的事，但我卻感到有一種百感交雜的窩心感覺，漸漸從我內心的深處放大。

我突然想起了一件小小的事情，笑著跟你說：「這是我倆第一次從香港出國旅遊」，過了一會又說：「我想跟你一起，用咱們的一雙腳走遍整個世界，到處冒險」。

那有關係嗎？這些小小的事情當中存在著微妙的關係嗎？我怎麼會愈來愈想起澳洲？我又怎麼的愈來愈想哭呢？

溫暖的淚水終於在我兩邊的面頰拼命地掉下來，好讓我把莫明的感動搞明白了一些。大概回香港久了，生活有了明顯的變化，發現自己愈來愈融入這裡的生活方式。衣服買多了，愛打扮了，追求的虛榮多了。我明白人總會變，但是這些的變化我不知道是好的還是壞的，或者根本就沒有好壞之分。我也不知道是我接受的東西多了，還是我給社會改變了，我只感到有些不由自主的感覺，而最讓我感到害怕的是這個我會吞沒以前的我。這就是成長帶來的複雜感覺嗎？


在這個每天都不同的世界裡，腳步急促又忙碌的生活，讓我快忘記人該不斷冒險及探究「未知」，忘記怎樣去捕捉生活微妙的感受。是這即將的旅行把我一下子喚醒，我很高興，我真的很高興我依然可以跟你去探索這個地球，再一次的去一個完全陌生的地方，創造屬於我們的世界。亦是這種高興的感覺把我們在澳洲的心酸喚醒，想起了那段到處闖蕩的日子，好讓每一寸陌生的土地都留下屬於我倆苦澀酸甜回憶，手牽著手把寂寞和孤獨驅散，讓土地成為我們的世界，再不斷擴闊，變得豐富。想起了當初有兩位充滿夢想又帶點傻氣的年輕人，在這片遼闊的大地無知卻又勇敢地立下堅定的目標，以純真的心去相信自己能一手創造出一片天空，披荊斬棘去迎接一浪浪的挑戰和困難，他們甚麼都沒有，只有對方一個，雖然從未被環境打底過，但卻要無奈地放下這未完成的夢，學懂了堅持，又學懂了放手。只要彼此能看得到對方的眼淚，他們甚麼都不怕都不在乎。他們，永遠都不會忘記這一段互相扶持的日子。



請讓我再說一次這土氣的話：
「只要是跟你在一起，無論是天涯還是海角也沒關係。」

 

 

 

 

早前在網絡看到了一段讓我好感動的一段話，看到我都快哭了，我非常的確信，總有一天我也會這樣。

「從不會英語不懂護照簽證，到不用指南書也可遊遍中東。最美的旅程，是和心愛的人肩並肩，去看看這個寂寞的世界。最美的人生，不是長輩控制的樣子，不是社會規定的樣子，是勇敢地為自己站出來，溫柔地推翻這個世界，把世界變成我們的。」如今，兩人的微博「謝謝和菜菜為愛走天涯」，已有2.5萬「粉絲」。

一路走來，謝謝想告訴大家，走出去看世界並不難，正如世界知名旅遊指南Lonely Planet的創始人Tony Wheeler的名言：「你所需做的就是決定出發，一旦決定，那麼最困難的部分便已過去。所以，馬上行動吧！」

 

去吧！去用自己的雙手去打造一個只屬於你的世界！

                                                                                                                          麗

Joanna's Birthday 2011

今日係家敏生日 ~
家敏呢排比人既感覺幾乖，會主動約我地溫書，所以呢就一齊去試D好野 ~
生日快樂呀！希望你以後繼續開朗堅強！身體健康！
家姐番左工之後少左好多時間心機同耐性，脾氣又急又壞！請原諒我吧！
我諗用文字黎溝通應該會黎得比較溫馨吧 ~
哈哈，不過我個心係一樣咁錫你架 ~


呢間德國野早幾日就Book了，Full到傻！
呢個係農夫包配牛仔肝醬及香草芝士，個肝醬大家都覺得好好味。

香草芝士焗煙肉麵團，好好咬口 ~

一般般既6成熟羊架喔。

超級脆既脆皮豬手 ~ 話係係德國醃完先運過黎 ~
好大隻，夠晒四個人share ~

仲有兩杯半Lite既Maisel's Weisse ~
超易入口 ~

餐廳既環境同氣氛都好正 ~

Live Band ~

呵呵呵呵 ~
其實大家都好surprised，Spot light突然射落黎，有少少不知所措呢 ~
氣氛真係好開心 ~ 而我亦都將中英文既生日歌唱到亂晒 ~
不過唔緊要啦！





Birthday Dessert ~ It's for you!

門口前留影 ~

然後心情好好既我地行左去海旁影左幾張相 ~
好耐好耐都冇出過夜街啦，感覺好relax ！
好靚既夜景，因為當晚天氣好清 ~

我同肥傑既合照 ~

a beautiful night ~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~




給妹妹小小的話語：



在這世界上，所有東西都是要自己主動去爭取的，
並不能被動的吸收周圍所帶給你的，不論是好的還是壞的。

每個人的人生，其實也沒有多大的分別，
人生的路怎樣選擇，怎樣走也不重要，是失敗或是成功亦不重要，
最重要的是看你是主動還是被動。

不要被動地讓「人生的安排」影響，主動去創造一個屬於自己的世界。
這是一種態度。





                                                                                                                       麗

The 4th gathering

今日朝早去完沙灘，跟住就去搵肥傑個friend剪頭髮lu。
晚上就同朋友食飯，順便同美子慶生。

番左兩個禮拜工，好忙，少左好多時間周圍去啦 ~
唔講咁多啦，睇相 ~

 

                                                                                                                 麗

石澳

天氣好，又係時候去沙灘 ~
好耐冇黎石澳啦 ~ 呢度人超多，氣氛一流 ~

我地租左兩舊野黎玩 ~

第一次玩呢個，好開心 ~

我有D暈船浪 。

到肥傑！

睇得出佢怕水呀呢 ~

到佢自己一個人玩時仲好笑，十足十「林煒傑荒島求生記 第一集」咁！

我果截肚腩真係極其大！

好靚既天氣呀真係 ~

呢位小朋友連帶住水泡都驚 @@

玩到好累 ~ 呢日熱到爆炸

次次查PA+++都仲黑到咁 ~
條腰係個角度影到咁架咋！因為我本身背睇唔肥，但係打則 ​就好厚肉。
真實完全唔係咁，肥到豬咁，真係絕食10日都冇咁瘦 ~

 

                                                                                                                     麗