Daphne's Life: 9月 2011

2011年9月29日星期四

Day 3 Night。Once upon a time 9/2011

15-9-2011

係私家車度好安心咁訓左個零鐘，終於到左Bangkok。
今次間酒店感覺好舒服呀，我地呢兩晚都訓得好好。

岩岩係Tiger Zoo影既相 ~

係酒店休息左陣，沖左個靚涼，
我地就出市區行下街，Bangkok尼邊比較熱鬧同繁華呀!

我地係鬧市之中穿梭，走過一條漆黑既小巷，去尋找隱世桃園，
就係尼間有70年歷史既既古宅餐廳"Once upon a time"。
裝修充滿古舊既感覺，有D似Melbourne既Como House，
所有擺設同枱櫈都有份古老既味道，好有歷史價值。
昏暗浪漫既燈光令到氣氛非常濃厚，背景輕柔既音樂亦慢慢令人投入其中。

今次係我地既第一次燭光晚餐，有別於一般既西餐，
亦係第一次感受暗到連Menu都睇唔清楚既感覺。

細心摺好的蓮花餐巾

拍左段片，可以記錄比較真實既環境 ~

埋單時，個侍應拎住個木盒過黎，跟住雙手合埋，好得意。

食飽飽，我地問準侍應之後，帶住相機上樓參觀呢間充滿特色既古宅 ~

呢度有個好處就係清幽得黎又歡迎你影相 ~
主人沿住樓梯牆壁掛上既每一幅相，都突顯其細致優雅既品味 ~

兩間睡房既擺設，都睇得出女主人既心境好美麗 ~

另一間係紫色的 ~

屋外頭有一個神秘舒適的花園 ~
果然係"Once upon a time" ~

最後我地去Chit Lom匆匆一逛，Bangkok既夜景都唔差呀，好多好靚既建築。

坐空鐵返酒店休息，準備第二日既寺廟之旅。

傑 & 麗

2011年9月27日星期二

Day 3 Day。Get Closer To The Animals @ Tiger Zoo 9/2011

15-9-2011

今日係我地係Pattaya既最後一日，一朝早就起身，準備去動物園親近「小動物」。本來我地諗唔到辦法，打算由酒店坐的士去Khao Kheow Forest，再返酒店拎行李，最後先至轉車去Bangkok。點知酒店個服務員好好人(Day 1揸Shuttle車我地個位仁兄)，幫我地搵相熟既司機，咁就可以直接放行李係架私家車度，去完動物園就可以直接車我地到Bangkok，計落仲慳左幾百蚊車錢。

其實初時都怕唔安全架，始終大家都唔識對方，行李又放係佢車上面，又唔知佢會車我地去邊。司機試過自己係街邊落車買野食，留左我地係車度，不過見到佢車匙都仲插住係度，計落佢仲危險過我地，哈哈。有次仲車左我地去個空地度，無啦啦叫我地落車，點知原來係帶我地去旅行社買入場票 ~ 入去仲要除鞋，尼種戰戰兢兢既新體驗真係好得意。

入到間野度，個Agent教我地唔好去Khao Kheow，因為個度係Open Zoo，無表演睇，日頭D動物多數都會留係自己個窩度，無乜野睇。佢就介紹我地去Tiger Zoo，個度有齊我地要求既野。結果我地都接受左佢既建議，因為從佢地既眼神度都睇到佢地係真心幫我地。我地臨走既時候佢仲特登俾左張卡片我地，話司機聽唔明英文既話，就可以直接搵佢幫手。

一到Tiger Zoo我地就安排時間，因為表演都真係幾緊密，我地安排左第1個活動就係Elephant Show啦 ~ 之後D活動一直連住落，尼一日過得真係好充實。

佢地出場好乖好得意架，會一齊牽住走，第3隻甩左會自己追返上去，好乖 ~!

不過唔知佢地背後既訓練係點既呢，唔知會唔會好嚴格好辛苦。