鶴藪 + 流水嚮

今日約左一班朋友去粉嶺行山！今次行鶴藪同流水嚮 ~
天氣唔錯呢，唔會太曬又涼涼地。估約總共行左6公里！好西利呀 ~
中途仲不斷聽住遠方既雷聲，而依度只係落左幾滴太陽毛毛雨 ~



好靚好靚既貓尾草 ~

不知名既果實同釘左既蝴蝶 ~

老樹下的長椅 ~

見到水塘既一張合照 ~

開始行入上山lu ~

我地不斷咁行行行，有講有笑，同喘氣。
汗流浹背 ~ 汗流不止！
我地每人都帶左1公升既水，沿途飲呀飲，又食一兩粒補血糖既糖 ~

我地第一個嬉戲既地方，就係一池清徹透明既活水 ~
係度都足足玩左半個鐘，玩到全個身都係水，非常涼快！
「玩未煲過既溪水，你有冇常識架！」

跟住再唔夠十分鐘，就去涼亭度休息一下，品嘗「冰極」水果！
我早一晚將生果雪冰，第二日用保溫袋袋住，估唔到成3個幾鐘之係都仲係冰！
而芷殷就帶左提子，都係凍凍地架 ~

之後我地好有公德心咁係度播種！





休息左一輪之後，就開始認真咁行山！
6公里，又點會咁輕易呢 ~

沿途見到既手掌大既蜘蛛同蛤蟆！

又一條好靚既溪流 ~

其實今日同時間都係One Piece海賊團！
呢度冇一個人係冇睇過One Piece架 ~
我地係度扮緊Mr.2 同 女帝！

上到山頂！好靚既景色 ~

黎張合照先 ~

真係有種大地在我腳下既感覺 ~

之後我地又係不斷既行 ~
終於完成呢一段既衛奕信徑！

好熱好累 ~
大家都去完公廁洗手洗面之後，就咁坐係門口度食多款美味麵包 ~
你睇下我地幾似流浪漢惘然一望。

好多昆蟲 ~~ 好大自然呀 ~

最後我地再行多半個鐘去小巴站番番去粉嶺大快活「下午茶」！
好滿足呢 ~


番到屋企之後幫背囊同相機袋洗完白白，再幫自己洗白白同磨個砂，
全部又臭又濕既野都乾淨晒！真係好開心！好舒服呀 ~



                                                                                                          麗