15-9-2011
今日係我地係Pattaya既最後一日，一朝早就起身，準備去動物園親近「小動物」。本來我地諗唔到辦法，打算由酒店坐的士去Khao Kheow Forest，再返酒店拎行李，最後先至轉車去Bangkok。點知酒店個服務員好好人(Day 1揸Shuttle車我地個位仁兄)，幫我地搵相熟既司機，咁就可以直接放行李係架私家車度，去完動物園就可以直接車我地到Bangkok，計落仲慳左幾百蚊車錢。
其實初時都怕唔安全架，始終大家都唔識對方，行李又放係佢車上面，又唔知佢會車我地去邊。司機試過自己係街邊落車買野食，留左我地係車度，不過見到佢車匙都仲插住係度，計落佢仲危險過我地，哈哈。有次仲車左我地去個空地度，無啦啦叫我地落車，點知原來係帶我地去旅行社買入場票 ~ 入去仲要除鞋，尼種戰戰兢兢既新體驗真係好得意。
入到間野度，個Agent教我地唔好去Khao Kheow，因為個度係Open Zoo，無表演睇，日頭D動物多數都會留係自己個窩度，無乜野睇。佢就介紹我地去Tiger Zoo，個度有齊我地要求既野。結果我地都接受左佢既建議，因為從佢地既眼神度都睇到佢地係真心幫我地。我地臨走既時候佢仲特登俾左張卡片我地，話司機聽唔明英文既話，就可以直接搵佢幫手。
一到Tiger Zoo我地就安排時間，因為表演都真係幾緊密，我地安排左第1個活動就係Elephant Show啦 ~ 之後D活動一直連住落，尼一日過得真係好充實。
佢地出場好乖好得意架，會一齊牽住走，第3隻甩左會自己追返上去，好乖 ~!
不過唔知佢地背後既訓練係點既呢，唔知會唔會好嚴格好辛苦。
估唔到大象咁重都可以企係條繩上面。
下面個兩隻係一男一女黎架，佢地特登舉起黎俾我地睇 ~
尼度請左兩個現場觀眾出黎幫手，勁搞笑 ~
隻大笨象無啦啦痌尿，又用象鼻禁個男人下面。
沒有留言:
發佈留言