只要記住今天你二十一

我朝一起身，發現電腦隔離有舊野，以為係雪雪整既野，
點知原來係肥傑送比我既生日禮物！笑死我啦 ~~~

好得意呀，勁似小朋友做既手工，真係好得意 ~
我話：「咦，你用鉛筆畫哈哈笑既？~」
佢話：「唔係鉛筆黎架！係木顏色呀！我全部都係用木顏色畫架！」
呢個係一個朱古力蛋糕，入面包住一個橙杏色既小胭脂 ~
收一個咁樣既禮物真係開心過收一個原本個包裝就已經好靚既野 ~
肥傑成日話自己唔識整手工，唔係呀 ~ 整得幾好呀 ~ 

肥傑Book左7:00鐘係朗豪坊頂樓食dinner ~
呢間餐廳係幾日前大家行黎決定的 ~
冇乜幾何上到黎，原來幾靚 ~

quiet table requested ~ 今次好多野都超出想象中既好 ~
估唔到行入餐廳入面會有一個氣氛好好，又靜，私隱度又高既corridor ~
淨係行入黎呢一下都已經好滿意 ~
可能我地book得早，8點先開始有其他客人入黎呢邊 ~

睇menu ~

呢間餐廳由book台到落order一律都係全英文溝通，呀~~~
好似番番去澳洲咁 ~ 好掛住澳洲既生活呀 …

張台仲有一個好，就係高處望出去朗豪坊既view好靚 ~

Appetizer係Cesar Salad同Parma Ham ~
個Cesar Salad真係好正好正 ~ 無論係Vegi，Cheese同唔知係咪ham，都好好味 ~

肥傑既Red wine ~ 香到對面既我都聞到 ~
而我就揀左杯Mocktail Napoli，好好飲 ~
我真係要練好個酒量，第時就可以飲靚酒 ~

對面係朗豪酒店，肥傑全程都分晒心睇入面行過著住睡衣既女人，
所以調左位囉 ~ 哈哈，講笑咋，係因為我想坐果邊 ~

肥傑既Roast Spring Chicken ~

我既Grilled Norwegion salmon Fillet ~

兩個都好好味 ~ 味道真係一D都唔差 ~

今晚氣氛真係好好，Dinner食得好舒服，好悠閑 ~ 如果每日都係咁就好啦 ~
真係有少少食上癮，想得閒就上呢類餐廳食飯呀 ~

埋單既時候，waitress特意問肥傑係咪就係Mr Ricky，
知道係生日book台，送上兩杯Shooter ~
我咁大個女真係第一次接觸呢D野，聞落去好香，好似果汁咁。
不過肥傑叫我小心D，聞落咁fruity，完來係個呃人既糖衣 ~
哈哈哈哈，杯野真係好正 ~
你睇我好似飲緊「三鞭酒」咁，唉 ~
本身肥傑拎得仲似「三鞭酒」架！

頂層既氣氛 ~

唉… 我都唔想講係咩事會坐底啦。
我咁多年黎都唔知自己點解咁誇張 ~
姐係… 我係果D飲菠蘿啤會醉果D，哈哈哈哈！
好彩燈光全部都係藍色，如果唔係人地會以為我酗酒呀 ~
講真，我真係覺得過份唔識飲酒係一件好白痴既事 ~

番到屋企之後，切肥傑為我準備好既登糕 ~
今日就係咁過左啦 ~

 

                                                                                                                        麗

Gathering at Pizza Hut

 

今晚好開心 ~
最開心係可以同一大班人再次聚埋一齊有講有笑！見番每一張熟悉既臉孔！

另外，其實我真係抱住一個同瑤瑤美子去北京farewell既心態去聚會，初時瑤瑤打黎約29號之後，我就同肥傑講：「慘啦，今次應該完全冇人記得果日有人生日啦…」，果晚跑步一直都冇乜野咁，但又冇乜心機，不過我又梗係覺得陳瑤會係玩呢一種野既人！好複雜既情緒呀！一方面諗住應該冇朋友記得，另一方面又抱住僥幸既心理，覺得應該唔會咁「涼薄」掛~

哈哈哈哈！好開心呀！有咁多人同我一齊食蛋糕，呢一樣野對於我黎講已經好珍貴，足夠我開心一世。多謝每一位 ~ 係我開心得混亂又有點不知所措既生日許願中，我希望大家都身體健康，快快樂樂 ~

 

我果件特大蛋糕 ~

 

                                                                                                                      麗

肥傑番工‧肥傑放工

我同肥傑都各番左一個月工了，巧合地一齊搵到工，一齊開工。
大家都係係一間「大機構」裡面做，哈哈哈哈！
我"mount"個車邊都算係既，大眾書局，你話大唔大！
我果份係Part Time，暫時半工讀賺錢買下花戴，所以講出黎唔緊要 ~
而肥傑果間係有獅子既(有獅子既公司都有幾間架，唔好一諗到係邊間就覺得係邊間呀！)，
跟住其它既我都唔講啦 ~~~

讀書、畢業、工作 …
一個人、一個人生轉變得最大既其中一個因素，就係工作。
我相信我地正經歷緊呢個轉變，踏入緊人生既另一個階段。
一對可以走到去呢一度，感覺真係好奇妙 ~
將來要同你走下去，走過每一個唔同既階段，經歷每一段轉變。

呢首歌既意義非淺，每次感覺深刻，一世都岩聽 ~

「幸福在坦率中進化　淚水用體諒練成茶
隨年華同步挽手跨堤壩
未靠鮮花萬打　裝飾這頭家
日見夜見不減牽掛　全為在乎大家
刺激歲月始終需要昇華
長途伴侶　行到這裡甚麼都不怕 」





Career展開之後，
可能生活會更好，可能可以做既野會變得更多，
可能離每一個夢想會更踏前一步，
亦可能青春無畏既時光會慢慢遠去，影相再做唔出呢D動作…

我諗，我大概知道將會係一件點樣既事。
我只希望，我地可以保存住一顆青春不老既心，
想做乜就去做，信自己，繼續隨心所欲。

 

等肥傑放左工之後，湊巧經過一間新開既拉面店 ~ 叫築地拉面 ~

奉上兩杯冰玄米茶 ~

比起最近食過既數間拉面店，呢間都算唔錯 ~

隻蛋真係好味到暈 ~

It Ta Ta Ki Mas ~

 

食完拉面之後又去糖百府食雪花冰 ~

好鐘意佢一層層分開既感覺 ~

跟住去影貼紙相！
其實我地係第一次兩個人影 ~ 之前果次係同涓涓同家敏。

祝你大展鴻圖！D錢好似呢張相咁圍住我地~

呢張好過癮呀 ~ 兩個公仔都咁岩位既 ~

有個制可以加大隻眼，問你死未 ~

最鐘意就係呢張！

 

無論咩時刻都好，我相信美好既人生必定會係前面。

 

                                                                                                                   麗

金山郊野公園 (with video)

今朝起身見天氣唔錯 ~ 即興叫醒阿爸，去行山。
今次出門比較晚，不過時間都好充足。
其實個幾兩個鐘就夠行 ~


有成十幾年冇去過金山啦，好耐冇見過「係路邊既馬騮」~
D馬騮都幾惡呀，一見人就依起排牙兇你！
初時都幾驚，不過見得多就冇野 ~

呢條河好靚好清 ~ 唔怪得馬駿仔揀係呢度住啦 ~

 

好得意既 大 中 細 ~

可能係岩岩回暖，好多馬騮當眾交配 ~
連小馬騮都唔錯過呢個季節，真係令我大開眼界 ~

呢張好得意 ~

家敏既驚驚樣 ~

我地行落去條河度。

肥傑發現左勁多蝌蚪呀 ~

比我捉到一條上黎 ~ 原來好易捉 ~
佢不停啜我隻手，好痕 ~ 其實捉佢上黎唔係咁岩既，不過我又好有好奇心，
因為咁大個女真係好少接觸呢D野，之後緊係放番佢入水度。

晴天PigPig

扮馬騮 ~

又黎！
馬騮：「哇，呢度風景真係一流 ~」

晚上Book左一間泰國餐廳，一家人食飯 ~
其實係替我預祝生日既 ~ ^^

呢餐食得唔錯 ~ 無論氣氛同食物 ~ 大家都好滿足 ~

希望每年簡簡單單，同平常一樣就夠 ~

 

                                                                                                                                          麗