21-11-2010
有少少潔僻既我，第二日立即將個籠同廁所用熱水洗，
其實隻兔仔係人地，主人話唔洗籠同洗兔(3個月)，我又真係唔應該搞咁多野，
但係真係過唔到自己果關，又怕兔仔覺得冇左自己陣味，所以只用清熱水沖，
仲特登留番D食淨既草比佢，等佢安心。
點知佢真係驚驚，唔肯痾便便落個廁所度，好彩我地有留起佢D舊便便，
放番十幾粒入去。
洗籠時，肥傑幫我抱住佢照鏡~
好得意架，膽小既Bunny會自己伸手過去掂下對面果個自己~
又會舔下利咁，個鼻係咁聞。
放佢係自己房度玩。
其實第一晚同今朝佢都好驚，今朝用後腳大力dum左幾十下地，
唔想我同肥傑埋佢身，仲all左一朝既濕便便，我地都幾擔心佢既情緒。
跟住開始佢會主動過黎聞下我同肥傑，仲用佢既下巴hi下我地唔同既部位，
留低佢自己既氣味。
跟住就愈黎愈安心。
仲搵到自己舒服既地方攤低。
其實呢D全部都係兔仔既Body Language，話左比我地知佢好多唔同既反應同情緒。
由佢緊張狂震，到會接近我地，同有時會開心到一邊跳一邊fing頭，
我同肥傑都好開心 ~
不過痾濕便便真係非常麻煩，乾既便便係唔會臭，而濕既就臭到你暈，
最慘係佢一踩就…腳同地毯都係… 因為未適應環境呀
今次放佢係房度玩，兩粒鐘之後痾左篤尿係床角，超級濃烈呀！
我都好明白兔公要霸地盤，不過真係頂唔順呀 > <
都係搬番佢出房門外養。
當晚訓係床度，肥傑眼紅紅咁，無啦啦同我話佢覺得好唔開心，
覺得掟左兔仔出去好慘，只係痾左一篤尿就咁，怕佢唔適應外面，
又見佢今日係房度玩到開心到跳起。
(肥傑臨訓前同朝早7點都去睇睇隻兔仔，一訓醒就同我講隻兔做左D咩)雖然我個心都有D唔舒服，不過我實在衛生大過善心！
22-11-2010
今日係房門外set左個play area比佢玩。
佢一出黎就狂痾便便，執左幾粒之後，
我地一致決定由得D便便放係地度，因為我地相信佢應該係度劃緊地盤。
40mins = 40粒便便
Feel到安全之後又訓係度啦 ~
其實養動物你叫我付出幾多耐性、心機同時間都得，
不過最怕就係排泄物，動物係依賴呢D黎劃分地盤保護自己，
我又覺得冇理由佢呢D既天性要罰佢鬧佢，
最大問題係呢隻野唔係自己，唔敢做太多野！
同埋成屋都係地毯地呀！如果係磚，佢點痾我都唔介意。
22-11-2010
今日我地去左睇Harry Potter 7，第一次係澳洲睇戲！
Chadstone 呢個戲院幾靚 ~
我好後悔咁著呀，好老土。
哇 ~ 邊個師奶去買送呀？
其實我覺得頭半part都好好睇，覺得拍得好正！
可惜到中間開始就好悶，好拖。
而個結尾簡直就深深令到我覺得電影公司呃錢！
完結突然得令到我同肥傑都呆左一個黃昏！
跟住我地去左一間韓國餐廳度食Dinner，
美麗既陽光，令到大家既心情都好輕鬆 ~
又平又好食！
麗
