Happy Halloween

我地7點半打扮好後就落去Hollywood Pizza Hut度食Halloween Set Dinner ~

呢杯係士多啤梨奶昔，好好飲呀~                     你睇我D眼捷毛幾長~

我除低左頂女巫帽個造型好似Punk女呀~

Starter : 黑松露菌磨菇~                         Garnish : 龍眼眼~

Main course : 蜘蛛網Pizza~                       Dessert : 蜻蛙Pancake~

食完唔嚇人既Halloween餐之後我地就出左朗豪坊行左個圈~ 氣氛都唔錯bor~
等到夜少少10點半之後，我地就去蘭桂坊湊熱鬧啦~

一出中環地鐵站就見到阿黑無常同白無常~
黑無常仲比左一張500萬蚊Ricky，佢話今日淨係帶左散子喎~

哇~ 當晚人多到傻呀~
我地11點幾到，跟住就一路跟安排路線慢行上蘭桂坊，足足個幾鐘之後先到呀！不過途中真係唔少鬼，氣氛非常非常之好，機乎人人都有扮呢！
Ricky一早都話要扮得誇張架啦，可惜我第一次落蘭桂坊，未見識過，
真係好後悔冇扮得誇去感受個氣氛呀！

不過我都居然有龍友、記者問影相，一行到入蘭桂坊仲好多部大機影相tim，
有少少surprise呢~其實開心既唔係自己受人注目，而係有份參與融入節日當中~
沿途都有D鬼佬撩下我講野，又讚下我既造型Good Looking~
有D仲拎我把掃帚掃地，打我patpat~ 影相既時候好casual，攬下腰搭下博頭咁~
最開心最開心既就係由我一出門口果一刻，D小朋友見到我就超開心啦！
佢地全部都好興奮，好多見到我就會指住我同佢媽媽講：Mami！姐姐係女巫呀！
有D仲會好怕醜，但又係咁好興趣咁裝我呢~
呢晚所有既經驗真係好得意，好開心呢~

佢地兩個好靚女呀~

下面呢個男人仲叫我幫佢影多張

 

 

                                                                                                                    麗

多。芒果布甸

除左整餅之外我亦都多方面向唔同既簡易甜品埋手 ~

^___^ 好開心呀，最近真係買多左好多專業既材料同工具，
整野亦都愈黎愈熟手了 ~ 不過可惜屋企又細又唔靚，
得一張摺台仔比我發揮，唔可以將D制成品好靚咁放上黎，少左種滿足感呢 ~

 

                                                                                                                    麗

台山溫泉、中山古蹟遊 Part TWO

去完騆樓之後我地就番去酒店度預備食晚飯啦~
呢張相o係車上面影的，初初一去到第一個感覺真係覺得好似雅居樂。

好開心呢，估唔到我地一家四口住一間別墅~
三層高呢 ~ 又大又舒服，平平地去渡假真係不二之選 ~
( 不過果度激多蚊架，千祈唔好開窗 )

三樓既露台~ 望出去個景真係幾舒服幾寫意~

影完一輪相之後，我地就叫車出去酒店食晚飯

食完之後就換上浴袍出去浸溫泉~

                  

初時我仲怕會醜怪，點知一出到去人人都咁著  白袍軍團咁衝過去浸溫泉

溫泉入面唔可以影相，不過入面幾靚的，有好多個泉，每個都古典式的細細地，
For你一個Party浸一個泉，唔洗同陌生人一齊~
然後仲有飄流同人造浪玩，一家人去享受一下天倫之樂真係幾開心~


我地由7點浸到10點幾，先前叫左隻雞，浸完之後番酒店度等隻泥燴雞送黎~
真係好好味呀，咁遠送黎都仲熱到辣手架~

然後就第二日lu，一訓醒開窗哇左一聲，哇，真係好大霧呀

我同妹妹行路出去酒店度食早餐
大霧都有另一番感覺呢 ~

之後既行程都幾悶架，又係去D植物園咁既地方比人sell下野

我地湊下熱鬧，咪叫左兩盅火山石合燉乜乜黎飲

然後買左5個正宗既神灣菠蘿食，要細過拳頭既先叫正宗架，
仲要愈細愈好食，非常之清甜，我地食完之後買大少少既黎試下都冇咁好食。

食Lunch，呢餐lunch我全靠呢隻我地另外自己叫既乳鴿先有飯好食 =o=
隻乳鴿真係正呢~

最後去埋雲錦布衣度了解一下雲南布衣族既文化，
然後都係比佢地用柔情同真誠狂sell你野，咁呢兩日既行程就完滿結束了。

 

                                                                                                                   麗

 

 

台山溫泉、中山古蹟遊 Part ONE

第一站，我地去左農業科技園度摘楊桃食

你睇下D BB楊桃幾BB~ 5份1隻手掌咁細架

妹妹幾咁辛勞咁摘左幾個番黎                       ↓ 妹： 終於有收成啦!

好清甜bor~

跟住去左赤坎古鎮

好鐘意呢D窗戶，以前細個番廣州探親成日住呢D屋，充滿感情同回憶呢~

小朋友捉雞雞好得意ar~

跟住我地就去參觀騆樓~

碌竹親眼睇真係好大碌架!

呢D就係以前保留落黎既騆樓啦

                                                                                                                    麗