芒果拿破崙 Mango Mille Feuille & Papaya Milk

好開心 ~ 整甜品真係好開心 ~
我又用左一日半埋首係廚房度 ~
今次整左芒果拿破崙 ~

細細粒既好可愛

澳洲芒超級好食！又香又多汁又厚肉！

仲有我好鐘意既鮮榨木瓜奶 ~

 

                                                                                                                               麗

紫菜肉鬆卷

 

淨左好多春卷皮，要搵途徑用晒佢地 ~
原來有個方法又簡單又好味。

我唔鐘意油炸，因為要用好多油，春卷皮又索油，油好貴架  
所以入焗爐高溫焗脆，不過絕對冇油炸咁香口。

呢款小食，食落口有幾分似我超級鐘意食既澳門鉅記紫菜肉鬆卷。
不過人地外面係蛋黃卷，甜甜地又香口。

 

 

                                                                                                                                麗

木瓜慕斯椰奶凍

噢噢，又積左成九萬幾篇Blog未打，係九篇先岩。追追追…！
呢個木瓜慕斯椰奶凍幾好味，不過個木瓜唔夠香甜。
夏天食先好，冬天食到個人凍冰冰  由個心都寒出黎。

我又係既，冬天整乜鬼奶凍呢。

 

因為彈到我成面都係木瓜，好臭，哈哈哈哈，所以打得唔夠爛，有少許果肉粒。
加入打起既忌廉 ~

呢撻蛋白mixture叫意大利馬令，作用令慕斯輕軟。

 

將呢三樣野搞野就係木瓜慕斯。

全部都白孱孱咁，睇到我「眼瓊瓊」。

我覺得咁樣好睇D。

 

                                                                                                                         麗

木糠布甸

忌廉就到期了，手快快整個簡易既木糠布甸用晒佢 ~
原來中間要唧得靚都唔易架 ~

 

                                                                                                           麗

綠茶紅豆糯米糍

 1-4-2010

 

今次試整綠茶味，唔錯 ~
不過嫌綠茶味唔夠重，下次再改良改良~

其實仲整左黑芝麻餡架，可惜餡係現成買番黎，超級難食！

求其對住個窗口影相，個景都好靚 ~

近排我都係每日寫意地，煮飯、整甜品。
間唔中先出去玩。

 

                                                                                                                     麗

芒果忌廉班戟。Mango Pancake

27-3-2010

芒果班戟更易做。畫花技巧有待改善
今次我終於成功掌握到打Cream既技巧啦~

 

 

                                                                                                                            麗

麵包布丁。Bread Pudding

23-3-2010

跟住自己買既食譜書，整左個麵包布丁。
容易得很。

 

當日仲買左一套杯番黎 ~ 好靚 ~

 

                                                                                                                                 麗