第一次的叉燒 & 求其春卷

 

買左舊好好好大舊既瘦肉番黎，炒又炒唔晒，就拎左去整叉燒了。
( 其實緊要係用半肥瘦既豬柳啦 )

搽醬，醃過夜，230℃焗15分鐘，再搽醬再焗，反另一面重覆步驟。

 

好彩瘦肉都唔係好老。

 

求求其其，仲整左個豬肉春卷。

求其咖哩角。

 

                                                                                                              麗

綠茶豆腐芝士蛋糕 (附食譜)

整完呢個蛋糕，開心左我兩日。
餅面失敗之際比我拯救番，好彩出黎都唔差。

綠茶、豆腐，配合起上黎非常清新，
加上Cream Cheese香濃既質感，每一啖都係一個享受。

成個蛋糕只係用左200g既芝士，幾健康架。

好喜歡三層鮮明清雅既顏色配在一起，好美麗。

呢個蛋糕花了不少時間，因為有三層，首先要焗個海綿蛋糕。
然後整豆腐慕斯芝士，雪九個字，再整綠茶果part。

不過出黎既效果同味道，都令人好開心。

為左慳心機，有人「賞識」個蛋糕先打個食譜上黎。
多謝你既賞識  其實我都唔係整得好靚架咋，下次再改善。


可以參考雪兒既食譜，多謝你的食譜。
http://hk.myblog.yahoo.com/leisure-girl/article?mid=3050&prev=3069&next=3024

 

呢個係我自己消化後，自己易明同易睇D既食譜。
都打出黎比大家睇下吧。

綠茶豆腐芝士蛋糕 (我用了6寸半模)

海綿蛋糕一片
> 切成比蛋糕模細半cm，放入模中備用

豆腐芝士餡


材料：Cream Cheese  100g,       淡忌廉  120g
              滑豆腐                  180g,       砂糖       30g   
             (魚膠粉8g + 凍滾水48g)

Ø  打起淡忌廉放雪櫃備用。
Ø  Cream Cheese加糖用打蛋器打滑，再加入滑豆腐打滑備用。
Ø  魚膠粉先取少許砂糖拌勻(目的是不易起粒)，倒入凍水伴勻，
     用微波爐快叮10秒或暖水坐溶。(魚膠一熱會變腥)
Ø  把溶魚膠加入豆腐糊中拌勻
Ø  加入打起忌廉，用打蛋器打勻即可
Ø  最後倒入已放蛋糕的模中，雪至少45分鐘。

 

綠茶芝士餡

材料：Cream Cheese   100g,       淡忌廉  70g
            綠茶粉                     5g,       砂糖      30g
               牛奶                         50g,       (魚膠粉5g +凍滾水39g)

Ø  打起淡忌廉放雪櫃備用。
Ø  綠茶粉加入牛奶拌勻備用。
Ø  Cream Cheese加糖用打蛋器打滑，加入綠茶奶及打起忌廉拌勻。
Ø  把溶魚膠加入綠茶糊中拌勻
Ø  最後倒入已雪好的豆腐芝士上面，雪1-2小時。



餅面裝飾  (如要做餅面裝飾，綠茶芝士入模後，請快速承接此步驟)

Ø  綠茶粉1g + 牛奶10g拌成綠茶奶，先小心滴一滴綠茶奶在餅面上，
再用牙籤輕輕向下一拉即可。

 

 

                                                                                                                    麗

 

香蕉合桃鬆餅 (附食譜)

買左一包細細包既核桃番黎，有條熟到透既香蕉，整左個香蕉核桃鬆餅。
其實個味同香蕉蛋糕差唔多，不過個質感唔同，乾身D，鬆身D。



焗到脹卜卜

新鮮出爐

 

 

香蕉核桃鬆餅
Banana Walnut Muffins     (4個中型muffins)

 

材料： Self Raising Flour   110g,        Sugar   40g
             Milk                        75g,          Butter   75g
             Baking Powder       1Tsp,        Egg     1no.
             Banana                   1no.          Walnuts

 

Ø  焗爐預熱 200℃
Ø  牛油加入砂糖打起，分數次逐少加入拂好的蛋打勻
Ø  加入已壓爛既蕉拌勻
Ø  自發粉及泡打粉一起篩入，用膠刮快而輕手拌勻
Ø  入模鋪核桃在面，焗20-25分鐘左右

 

 

新鮮焗好既時候，Muffins既中心有少少濕，放佢一陣間，
等佢入面既熱力同濕氣都冇左，就會變番岩岩好的，唔濕亦唔會太乾身。

                                                                                                                 麗

Sims3瘋狂生活的展開

 

肥傑download左The Sims 3黎玩
一開個game，哇！好西利呀！比之前果幾集勁左好多！
所有野整得非常details，令人不其然咁覺得整sims3呢team人都係完美主意者。

我呢個完美主意者，又點會求求其其咁玩，冇煮飯成個禮拜。




我地第二晚玩，叫Pizza食，呢間野價錢唔貴又非常好味 ~

Mexicana Pizza

BBQ Chicken

整左個Prince Charming出黎，好好笑 ~ 似唔似呢？
我非常鐘意睇史力加 ~ 次次都笑到傻。

Prince charming又點可以冇佢媽咪係身邊，Fairy Godmother出埸 ~

另外，超市Lindt既朱古力大減價，買左5排番黎慢慢食 ~ 

一食就食呢個最特別既Chilli味先，真係辣辣地架。Orange同Almond都好食。
黑朱古力配薄荷唔好食。

Sweet Chilli 超級好食！不過好貴，$3個幾AUD一包。

減價$7蚊一大樽，買黎搽面包好正，不過好快就比我就咁撩黎食晒。

呢幾日我地爭電腦玩爭得好西利，哈哈 ~
你睇下你玩到幾認真！

 

                                                                                                                麗

房間。有哭有笑

打掃，原來會令人快樂架。
當你喘住氣，大汗搭細汗時，望一望整齊既環境，聞一聞清潔既氣味，
會舒服得黎又帶一點點成功感。






上篇咪有條長走廊既，拉開左面呢個摺門

就會有條樓梯啦

下落去就會有個咁既簾 ~

呢度就係我地個「廳」~ 攝於初搬黎辛苦既第一個星期 
當初果幾日，係連行既路都冇。肥傑係左上整緊電線。

之後到最近都係咁，頭一個月一直都有5,6隻蜘蛛，
住耐左就間唔中先見幾隻好細。

呢set電腦幾抵，去box hill中國人既鋪度砌，$700AUD就包晒所有野
因為打算長住，所以就買個22寸既mon當埋電視。

呢度塵好多，因為都係平房。Printer用布蓋好，每星期抹台同啦叭電腦，
一星期全房打掃一次，如果唔係好野都變垃圾。

 

又係書台，又係娛樂台。

妹妹，你個電話就係右手面果盒，寄唔到比你。>__<

 

房間既另一面。左面果個空位，用黎晾衣。簾後面係「房」

有藥，書，鞋，小家電

衣架、打左格仔既Bra.. ^^".. 同埋書台

預備整理一堆食譜

 

暖(腳)風機 ~

我地唯一1set既sheets ~ 好靚，非常喜歡。

小書架，上面鋪左一塊深水埗買既$5HKD手巾仔，
個style好似一個心境優雅既老婆婆。

 

                                                                                                                            麗