香脆杏仁卷

一共整左十二條，大受歡迎呢 ~
不過半個鐘之內就要食，如果唔係就唔脆架啦  >______<

長洲自然遊 Part TWO

長洲呢度有不少呢D字句 ~

行到累啦 ~ 去 "天然" 甜品店入面叫左杯香芒雪糕沙冰 ~ 唔差

桂花芒果卷，好大條芒果肉呀 ~

仲買左好多舊糯米糍 ~ 有芒果、榴槤、花生味 ~

個皮係超超超好食！又香又軟！

哈哈，食到成咀都係糕粉 ~

日落啦 ~ 看見漁翁收網嗎？

我地仲行緊去張保仔洞，行到黎呢度時問問路人，
原來仲有45分鐘既路程先到呢，佢話：好遠架，不過果度睇日落好靚 ~
可惜夜左D啦，但唔緊要，係西堤邊漫步邊欣賞日落既美景，都好休閒寫意呢 ~

日落後再黎支冰極生果串，有種比人昆既感覺，哈哈

糯米糍外賣番屋企 ~正呀 ~~

                                                                                                                     麗

長洲自然遊 Part ONE

我地去左長洲玩啦 ~
真係估唔到自從係澳洲番黎之後，香港居然有Cotton On、
同澳洲一樣既Pancake、依加連SUBWAY都開埋，
仲有到處都係Hungry Jacks既兄弟Burger King 。
唔知遲下會唔會連Coles / Safeway都有埋呢

第一站，我地去北帝廟。本黎諗住入去參觀一下的，
不過廟裡面既人叫我地添下香，入屋叫人，入廟拜神
我地買左一束香，拜過北帝、青龍白虎、左右土地、天神等等
祈求身體健康 ~  亦添左$50香油積公德
一次難忘既經驗呢 ~

跟住我地行去東堤海岸，係路邊攤買左D小食 ~

麻麻地既茶果

好好味既 " 雞樹藤 " ~  下次一定再食 ~

行落去沙灘，好靚呀 ~ 蔚藍色既天空映照落清澈既海洋度 ~

我地又玩自拍啦 ~

然後我地行去觀音灘 (滑浪風帆第一灘)，之後就沿山路行行行，去小長城啦 ~

呢度就係小長城，我小學六年級就黎過一次 ~

我地睇過花瓶石後，就再搵人頭石 ~
見唔見下面有粒人頭石呢 ~

我離遠一眼就見到眼耳口鼻啦 ~

沿路行番出去既時候更鳥語花香，好寫意 ~

                                                                                                                     麗

南生圍

今日我地去左元朗既南生圍度睇風景 ~
唔知係咪星期日既關係，原本以為甯靜清優既南生圍擠滿好多遊人，
例如影婚紗相既、影畢業相既、踏單車既、龍友、"" 龍友同o靚模 ""....
破壞左呢個地方應有既清靜
"" 影o靚模既龍友 ""更霸住一D好位逾一個鐘，好不掃興



南生圍既風光 ~

係元朗站落左車之後，就沿山貝路行，
行左一陣之後就會有個路牌教你行去渡頭。   $5 一位

落船之後就沿路行，好快就到風景區lu ~

風景好靚呀 ~

跟住我地上左去呢間荒廢既小屋上面

好有"一碌蔗"既感覺

呢個景好靚，好有層次 ~

                                                                                                                     麗