愛的 肥膩中午飯。五香肉丁炒公仔麵 (附食譜)

係呀係呀~ 佢個樣真係好多油，但係… 又簡單又好好味呢！
呢挺茶餐廳香口野間唔中Lunch食一次半次唔錯架 ~



話說番…
第一次，傑第一次煮比我食既野，就係五香肉丁炒公仔麵啦
我一試之後就愛上左果隻味道，跟住呢兩年都叫傑煮呢樣比我食
依加我整黎整去，跟住傑既做法，但係始終都煮唔出果隻味道！

即使傑再識煮其他野食、煮得再好味，都唔及當日果碟「愛的炒一丁」
真係唔知點解，就淨係鐘意呢一樣，冇野可以取替到呢種感覺同記憶
我以後淨係要你炒呢個比我食  ( 發姣中 )
                                       。
                                       。
                                       。
女人真係易哄，一碟肥膩既炒一丁就己經徵服左我

食譜


材料：公仔面一個、半罐水仙牌五香肉丁


> 用平底鑊加大約碗半水 ( 水既份量要係岩岩好煮好一個公仔面，要自己因 )
   蓋鑊蓋煮散個面、煮至水岩岩乾唯止

(千祈唔好諗住用煲煮熟公仔面跟住瀝水再炒，
咁樣炒出黎既面會好林，好難食架！)

> 然後落肉丁，兜兩兜就得架啦！



                                                                                                           麗