13-9-2011
今日真係舟車勞頓的一日，朝早六點起身去搭飛機，飛機又Delay左半個鐘喎，11點半先落機拎行李，再去搵Bell Service既Counter趕12點開去Pattaya既車。為左增加趕車既刺激感，明明Counter係1樓，但係我帶左麗跑上3樓，終於係極速狂奔之中，係11點55分搵到。
飛機既Delay令到我地直接Skip左午餐，開去Pattaya既車一直駛，疲累既我地就一直訓，訓到口都掰開埋。個半鐘之後到左Pattaya，再坐半個鐘細車去酒店，一共坐左2個鐘頭車。我地係酒店放好行李之後，就出發去搵野食。
(坐緊酒店既Shuttle Bus去搵野食)
街道既情況令到我地有點失望，失望既感覺唔係黎自於街道既破爛，而係個種死寂沉悶既氣氛。後黎我地先係當晚發覺Pattaya既熱鬧係夜晚先會出現，如果要係日頭搵到樂趣，只能夠係外島既沙灘搵到。
食店既選擇唔多，我地好隨便咁入左去尼間Sandwich店填飽肚，準備去Pattaya Floating Market，期待個度會非常之熱鬧，有好多特色小食。
(我專心睇地圖個樣原來係咁瘋狂，成個癲佬咁)
佢去旅行有D水土不服，都唔記得個Wrap好唔好食，佢黎緊既5日都係俾腸胃折磨。有仔襯嫩生，去旅行都真係要襯嫩去。
睇下我個樣幾開心，我地第1次搭兩排車，用左300Bhat包車搭去Floating Market，一路迎面吹住涼風，最記得就係司機收錢個陣笑到好燦爛，見牙唔見眼。
尼度係Floating Market既入口
好失望呀 ~ 周圍乜都冇，得幾間鋪開左，死死寂寂，仲要幾污糟下。我地15分鐘之後就走左，唔想浪費時間。(後黎我地先知尼度最近水浸過黎，所以好蕭條。)
無緣呀 ~!
我地今次就唔肯搭車喇，沿住大馬路一路行返去，跟住有架兩排車「砵」我地，開價20Bhat兩個人，係市區附近落車。跟住我地就開始「雙腳行走之旅」，唔想再坐兩排車喇，問親價都幾百Bhat，已經再唔願坐。我地不斷行錯路，希望可以搵到一間好D既商場，食餐好，彌補返失望既心情。點知行到8點都搵唔到一間似樣既地方，雖然辛苦，但係由於不斷既行錯路，令我地更加了解Pattaya係一個男人既天堂，四處都係紅燈區，男男女女加埋人妖，都抱住獵食既心周圍獵艷，同我地心目中個個陽光健康既Pattaya好大出入。一入夜唔同種族既人都開始出動，出現左一個非常熱鬧既氣氛。而我地都係堅持既步伐下，搵到Central Festival喇，入面好多好靚既餐廳呀！
有好多好靚既甜品鋪，可惜腸胃唔好，食唔到個度既雪糕。
我地俾尼間西餐廳既Salad Bar吸引左，揀左佢黎彌補心靈空虛。
食材全部都好新鮮！ 食到飽到行唔郁，都只係港紙$250唔洗 ~
食飽出到黎，見到好多流動既酒吧車仔。
尼個係返酒店途中經過既夜市 (我地仲on居居唔知已經行左相反方向)，我地行左半個鐘先發現。我地諗住問司機坐車返酒店，點知個個都獅子開大口，我地覺得好反感，所以堅持用自己雙腿行返酒店。途中不斷的色情酒吧同艷女皆在眼內，仲發現好多日頭見唔到既地攤同食店。
嘩！我地又好神奇咁返返Central Festival喇，食左旁邊地攤個Banana Pancake，麗就覺得幾好食，我就麻麻地喇。
再過多大概45分鐘啦，我地就返到酒店喇 ~
總括黎講，第1日就係我地既探路日，好累呀！我地都係尼一日認清Pattaya既性質，就係夜生活同狂野放蕩。
傑
沒有留言:
發佈留言