19-3-2009
一早起身行去坐火車，而目的地就係Melbourne Zoo。
係市中心轉車後，於Royal Park站落車，旁邊就係Zoo。我們落火車後就徒步橫跨路軌，認真危險，小朋友千祈唔好學。
唔好意思，其實係有斑馬線既。
我地今日仲係天空睇到d野，個天上邊竟然寫住「marry me？」。真係咁大個仔第一次見到天上面有字，仲要一見就見到d咁有意思既字。
尼d情況真係外國先見到，香港邊有尼種無雲既藍天，應該話搵個大少少既窿去望下個天都難呀。家麗見到就梗係超級興奮，笑唔停口，我就不停聽到「好正呀！好正呀！」。
我地入到Zoo第一個入既地方就係爬蟲館。一入到去，家麗就即刻講一句：「嘩！好似哈利波特呀！」。一聽我都發覺尼度真係勁似電影入面既情景，而且入面仲要有一大班幼稚園生，超得意，全部都藍色細細粒，戴晒巫師帽咁。
跟住就到Kangaroo Island，今次就無得餵喇，因為全部都有飼養員專人餵到佢地肥肥白白。
尼個時間已經係中午，真係超好陽光，你睇下家麗又戴帽又戴太陽眼鏡就知啦。
一路行都發覺尼個動物園俾人既感覺都幾大自然，唔會就咁用籠困住d動物，環境都唔錯。而且佢都幾注重環保，睇下張椅既用料幾特別。
繼續行，到家麗鐘意既長頸鹿喇，真係好高又好長。
家麗話鐘意佢個樣好善良，眼神同個樣好溫馴。
個Zoo仲擴建緊，未有海豹睇，同個石像影住相先啦。
原來尼度都有小企鵝，今次有得影相喇，睇下佢地幾細粒。留意下張相，有隻雀仔係度虎視眈眈，可惜唔夠膽同企鵝軍團爭，行兩步又吞幾步咁解。
到馬騮環節，大個隻唔係黎的，籠入面個兩隻先係，不過都幾神似，俾個叻妳。
善良大笨象出場！其實尼隻象一d都唔笨，唔好以為佢淨係識食草。講你都唔信，佢真係識表演畫畫的。
吼！萬獸之王訓晏教。訓教果然無面俾，連鏡頭都唔望下。
到左購物時間，家麗每次睇中既都係公仔。
唔係嘛…咁大隻冇錢買呀！
嘩，雖然尼次細隻，但貪心唔好ga嘛，屋企仲有咁多公仔。
嗯，咁就乖喇，一隻溫馴長頸鹿就夠喇。
買完公仔就返歸喇。由朝行到晚，返到屋企已經日落埋。
親親動物之旅正式完畢，多謝收看。
傑
沒有留言:
發佈留言