Daphne's Life: Day 4。Royal Temple & Wat Pho 9/2011

16-9-2011

黎到旅程既第四日啦！天啊！番工一直都冇時間，隔左個幾月先打番，好難諗番D地方名呀！
總之呢！呢一日係最開心，最有意義既一日 ~ 點解呢，等我慢慢講番先 ~
今日專程著長裙！因為要入廟呀 ~~~

首先，我地去搵食先 ~
好辛苦去到香格里拉酒店既一間好正既餐廳諗住lunch，點知有人包晒成間餐廳！
結果餓到就死既我地行出街邊搵食~真係好彩，呢個時候爛拖鞋！一步都行唔到，傻傻地咁問街邊餐廳既人有冇膠水 ~
佢地聽唔明英文，但係呢個老闆真係好好人，一聲都唔出就轉身入去，拎住釘同搥仔出黎，二話不說就幫我整鞋！
佢手勢好好呀，對鞋係比佢釘到唔會再爛果隻！
哇！！！你都唔知呢餐飯我係食得幾感動 ~ 佢老婆煮果D野食本黎就已經好好味！再加上當地人既人情味！真係無得頂 ~

然後，我地坐船沿住湄南河去唔同既景點！我建議大家坐車，因為依加船已經唔再係最方便既交通工具。

船上面有導遊介紹旁邊極具歷史價值既建築物！就好似呢個就係以前既Custom office！

我地落船 ~

一落船又遇到貴人 ~ 有個男人拍拍我地博頭，呢個男人曾經係Temple入面既teacher ~~

佢好熱心教我地去邊度玩先有意義，又提我地知我地既衣著係去唔到大皇宮！
寫低D地方名落我地本簿仔度，再幫我地搵司機，只係20baht就可以去好遠既地方 ~ 當地人都話Good Price！

第一站就去左呢個應該叫做Royal Temple ~
見唔見我同一個男人傾緊計呢 ~ 呢個就係我地今日第3個貴人！
佢一見我地黎呢，超開心，佢話：How do you know this place?! Where do you come from? So many HK tour they just bring them to go shopping！！
點解！原來呢個廟別有意義 ~ 佢不停用英文同我地傾計！我地傾左超過半個鐘 ~

佢係一個文化大使，不斷咁對一無所知既我地好耐心熱情咁講解呢座廟！
泰國只有9座廟係泰皇會去供奉，呢座就係其中一座。我地當堂聽到，真係覺得自己好有幸可以黎到呢個地方！
我地好快就被呢個莊嚴、和諧和善既感覺包圍 ~

點解！點解會裝修緊！原來係因為兩個月之後泰皇會到呢度參拜呀 ~

不過之但係佢最有意義既地方，就係入面既佛像係四皇親自由清邁帶番黎！

所有歷代皇帝去左之後，骨灰係放係大皇宮，而只有四皇一個既骨灰，放左係呢個廟入面！

牆上面既畫係代表住每一個故事！

先生教我地可以pray！pray for good luck！~
真係好多謝呢個先生，佢令到我地既旅行唔同晒！呢種就係我地想要既旅遊！！！我上網查有兩個月資料同所有旅遊書係冇講過泰國呢D文化！

上面係真既紅、藍寶石！紅寶石帶黎力量，藍寶石就係保護 ~

佢問我地係咪夫妻，叫我地黎泰國一定要買藍寶石，佢話有個Goverment開既E-centre每年只開一日！
今次因為水災開3日，今日係最後一日，果度你買既寶石係人手造，錢會捐出去做善事，買家會得到一張證書 ~
佢話呢，英國William手上代代相傳既藍寶石都係係泰國買！
可以保護心愛既人 ~ 我地真係有去到E-Centre，明知係平係有意義，又明知藍寶石真係少得很！但可惜我地真係冇錢買呀！！！

最右邊果個就係呢位先生啦！當時佢個頭最乾淨，因為係新人！我地終於明白點解泰國人心地幾好！
原來佢地每一個男人都必定要做Mock，有D做幾日，有人就做耐D！做得愈耐就愈lucky，可以潔淨心靈！
冇做過Mock既男人係不能夠被當地人接受的，會娶唔到老婆。
佢好開心咁話" I'm so lucky! I've been a mock for 3 months! We can only have one meal everyday before 12pm. We have to wake up in the early morning, walk on the street to ask people for food, then we share our food together."