16-9-2011
肥傑開心到咁~ 仲唔係搵佢做cover boy!
呢度就係Wat arun！鄭皇廟啦 ~
我地呢一日全日既旅程，真係每一個因果又緊扣住下一個因果，
只要一缺少左一d好微細既地方，例如多幾十秒或者少幾十秒，遇上唔同既司機，駛唔同既路，
我地整日既旅程就會截然不同！遇唔到每個奇妙既際遇！把握唔上好多最後既一刻！
「如果唔係餐廳老闆幫我整鞋，我地搭遲一班船，落船就未必會撞到果個mock teacher教我地去邊度玩！」
↓
「如果唔係mock teacher教我地去有意義既地方玩，我地就唔會去到Royal Temple，唔去Royal temple就唔會遇到果位文化大使！」
↓
「文化大使教我地去E-centre，並強烈建議我地日落去wat arun，我地去完E-centre臨時決定再坐tuktuk去wat pho，唔坐巴士！」
↓
「參觀完wat pho咁岩出面有一個司機，雖然路程只係幾分鐘，但正正因為我地決定坐呢架貴tuktuk去碼頭！先趕得上正要開去wat arun既船！」
當時已經係5:40pm，船係半個鐘或一個鐘一班！我地見船已經差兩秒就要開，一邊叫住wait！wait！狂跑上去！
下面呢兩張相依然未去到入口！但係個畫面已經令到我地目定口呆！！！
心情真係非常非常興奮呀！！！！！
去到Wat pho入口已經係5:50pm，門口既人話唔入得去，原來因為6:00pm就關門！
當時正值黃金日落呀！！！冇得入好可惜呀！！！點知呢個時候肥傑口多多講一句 " It still have ten mins "！
哇哈哈哈！好人既佢比我地入去極速參觀影相！其實佢地真係好好人，6:10pm先叫我地走 ~ 足足都玩左20分鐘 ~
肥傑勁開心！！！
你都唔知到親眼見到 同 親身感受呢D建築！真係好靚！！！
好好彩咁多日天陰陰，比我地呢一刻遇上一個黃金夕陽呀！！！
金黃色既太陽打落去wat arun上面！真係份外莊觀！！！
真係好斜，斜過我之前行萬里長城既居傭關！但係肥傑二話不說就爬左上去 ~
其實諗住佢上去影張相就走，因為我怕高，唔敢上去。
點知佢條友仔狂叫我上去 ~
哇~~~ 上到去原來真係好靚架！！！我忍住驚影左幾張相 ~
你睇下！真係令人嘆為觀止！！！
我地真係好開心！開心到暈！
好興幸自己可以咁岩係呢個時刻黎到呢度！
到處既景物都令到我地亢奮！wat arun既建築上面全部都係細細粒細細粒！
可以感受到佢地對寺廟神彿既尊敬之心、莊嚴既態度及對藝術既執著！
你話怎教我們不興奮呢！
天呀 ~ 背景有條湄南河，真係絕頂一流呀！
肥傑再次要求向上爬多幾級！其實我當時驚到流左幾滴眼淚。
我覺得自己去左一個好值得去既地方！！！再見啦！
婆婆麗要搽白花油上船！
晚上我地去左食好多Mango！
同埋老媽泰菜！右下果個red curry大蝦真係正到爆炸！
麗
沒有留言:
發佈留言