Sunny Day at Chelsea

Wow~ 我好鐘意呢張相呀，好有渡假既feel呀~

今日無無聊聊見天氣好，「難得」28℃，出去沙灘游下水！
點知D水都仲係好似冰水咁！

過左幾日之後就係yahoo見到呢單新聞：
http://hk.news.yahoo.com/article/101220/4/lv3b.html

Copy from facebook
唔怪之得啦 Orz 到依加12月尾都仲凍緊…
鬼有白色聖誕，要特登坐車上雪山架，講到好似好正咁，
我依加就唔熱唔凍，D海水凍到冰水咁，水又游唔到！



結果我等左好耐既炎炎夏日都仲未黎，冒住凍死既危險行出去海中心！
好西利架！愈行愈淺水！我地行到去勁遠D水都係去到大腿！

(發現過程：當我地行左幾步，D水去到我地腰時，發現遠方有人D水去到大腿，
當時覺得非常神奇，肥傑說：「哇！點解佢地可以企係度既！」 =o=)

D Beach House真係靚到暈，入面有齊晒廚房仔，沙灘椅，床，沙發，
顏色仲要同間屋襯好晒 ~ 我都好想要一間 ~

當日唔止凍，仲非常大浪，又多好似人頭咁大既Jelly fish同魚仔，游唔到水。
跟住就好開心好白痴咁曬下太陽，影下相 ~

澳洲既天空真係好靚 ~

肥傑當時講緊一D非常白痴既野！

笑下笑下個人就好亢奮 ~

再加埋佢既行為 ~

跟住就好開心咁影下合照啦 ~

晚上去左呢個成日坐車經過既地方食dinner
每次日落時見到都覺得好靚，好有feel ~

今晚第一次食Red Rooster！又平又好味！

 

                                                                                                                   麗

 

士多啤梨芝士蛋糕。Strawberry Cheese cake

100%新鮮士多啤梨！
肥傑幫手打Cream Cheese ~

自己煮既果醬

打Cream ~

跟住撈埋佢 ~

完成品！

個款式係同肥傑一齊設計 ~

                                                                                                                    麗

 

芒果拿破崙 Mango Mille Feuille & Papaya Milk

好開心 ~ 整甜品真係好開心 ~
我又用左一日半埋首係廚房度 ~
今次整左芒果拿破崙 ~

細細粒既好可愛

澳洲芒超級好食！又香又多汁又厚肉！

仲有我好鐘意既鮮榨木瓜奶 ~

 

                                                                                                                               麗

Ricky's Graduation Ceremony

2010年12月1日    少許陽光

終於等到呢一日啦，3年幾過去了，雖然萬分期待既晴天沒有降臨，
不過都總有少許燦爛既陽光從雲層間照出 ~

我地兩個都十分重視呢一日，但又抱住平常心去迎接 ~
呢日我地跟朋友車過去Geelong，兜黎兜去，去果程足足坐左4個鐘車。
暈車浪好唔舒服，眼淚都想流出黎  我地兩個都十分疲倦。


不過一到步後就迅速被在場既氣氛感染，暗暗興奮既感覺鬼祟蘊釀，
呵呵  當肥傑著住袍出黎果一刻，簡直令我精神百倍呀 ~

入Hall之後氣氛更為濃厚，作為一個等左3年零5個月既女朋友，
真係好開心可以見證到你呢一刻，好替你開心，替你緊張 ~
不斷抓緊機會影相 ~

佢地既袍好靚呀 ~ 有金龍係度 ~
氣氛莊嚴又令人鼓舞 ~ 全部人起身唱國歌，然後開始。

坐係遠處既我緊張地搜索，下一個就到你啦。
你畢直咁企係度準備，像極一個肥肥乖乖既小朋友 ~
最好笑係係當我放大相片黎睇，原來你果時係度用力"木"緊個咀 ~

拎Cert既一刻~ 你係以Distinction既身份上台呢 ~
Dr 同佢講左好多野 ~ 而肥傑亦好enjoy點帽既過程 ~

呢張真係好搞笑，視線咁岩掃中我部機 ~

一直望向左方尋找我既身影 ~
我轉左去中間幫你影相呀 ~

你今日終於完成左你既大學學位啦 ~

頒完所有Cert之後，輪流聽每個Dr演說鼓勵，最後全部戴住帽既畢業生企起身，
面向我地，接受在坐觀眾既掌聲，果一刻，我既感受都十分之深刻，
我用力拍著手掌，希望可以傳到去你既耳邊，感受到我對你既支持同鼓勵呢 ~


出到黎之後，周圍影下相留念

背影好靚 ~

終於有人幫手影合照啦 ~ Wonderful picture ~

再黎張近D既 ~ 靚靚既回憶 ~

拋下帽

臨走自拍幾張合照 ~

我又戴下先，睇下靚唔靚，襯唔襯先 ~

9點半先出番去Mel City食晚飯 ~
一路與壯志盛盛既你係街上面行走，令我感受到一種別有一番味道既感覺。
唔知道，我地既將來會係點架呢？

                                                                                                                    麗