終於有得上網 ~

8月21日，搬左去新屋，頭果一個禮拜都好累好辛苦，
又要番學，又要趕做assessments，又要執屋。
跟住既日子開始緩和落黎，不過一樣好多野做。

搬左去新屋之後，個人慢慢一日比一日開朗，然後先發現，
原來係舊屋度係咁憂鬱，住得咁唔開心、咁辛苦，
真係好多謝屋主咁樣對我，如果唔係佢趕我走，
我都唔會有機會搵到呢間咁好既屋。

呢D人唔值得我唔開心，果件事過左去就算。
不過計埋果度成屋人，再加5個同學，發覺韓國人好似都唔易相處咁喎!
可能文化差異太唔同啦，佢地既「民族意識」好強，性格比較自我，
加上講野好似不滿同扭計咁，永遠大聲加粗魯，好不令人煩心。

怕怕了，連韓劇韓戲都唔敢睇，
那種溫柔、待人有善有禮既性格與現實實在有天淵之別       





嗯 ~ 跟住就一直好忙碌咁過，直到今日，9月8日。
終於有得上網lu，20多日黎，miss左唔少新聞，
不過菲律賓呢單野我有用手指上網睇左十幾篇新聞，
身為香港人，真係好心痛，閱讀住生環者筆下的所見所聞，
都教我心驚膽擅，體會到當時的恐懼無助。
我覺得呢件事冇表面接收到既訊息咁簡單，
絕對唔係話一句問       點解當地警方咁蠢唔咁做，
點解人們咁冷血都仲去影相留念      或姐      點解菲總統仍然冷笑。
背後實在關乎住好多政治因素同社會既黑暗面，
亦唔多唔少反映出香港人係菲律賓人心目中既形象。
只想希望當留意一單新聞時唔好只關注一兩面，特別呢一D誇國既事件。

 

講番最近既生活先，新屋呢度住得好舒服，第一晚就習慣晒，
忙碌既生活令到我疲倦不堪，為在爭取「機會」，
上個星期真係幾大壓力，甩多左頭髮。

6號至10號係我一連五日既Placement，實在有好多好多野想講想記低，
好累，好開心，好難忘… 個腦好亂呢，好似塞左一大堆野係度，
等我過幾日開幾篇新blog慢慢整理，慢慢寫！
希望快D到20號既Term Break吧！

 

                                                                                                               麗

Homemade Chicken Souvlaki

番工之後就知道好多野係點整同埋用咩醬，
食飯食到悶，就包下野黎食 ~


其實唔洗落Carrots呀、Red Peppers同牛油果，
不過我貪多D料，健康D同飽D~


Souvlaki係希臘既美食文化，如果想整正宗既，可以睇下面呢個網 ~
下次我都整番個正宗既先 ~
http://www.souvlaki-recipes.com/t/chicken-souvlaki/

講你都唔信，全部用最細既刀切架。

色彩繽紛 ~

Garlic Sauce on Grilled Chicken.

多料既結果就係好好好大碌 ~

第二wrap ~

一人食一條巨型Souvlaki，加少少薯條，真係夠飽喎！

 

                                                                                                                        麗

 

鮮茄牛肉

好忙呀，加上多人用廚房同個爐頭壞左超過兩個月既原因，
一直都係用細既Gas爐，好耐冇煮餐好既比肥傑食啦。

今日手快快煮左個鮮茄牛肉、咖哩雞翼同炒菜蕊，
仲一口氣醃埋聽晚同後晚既送，真係好快手架！

今晚呢個汁好似茶餐廳，不過牛肉就唔夠嫩 ~
好好送飯 ~

 

                                                                                                                     麗

Baby Bunnies 5Days Old (with Videos)

 

佢地呢班可愛既小賓尼BB係係7月28號朝早黎到呢個世界 ~
出世第5日，我就即刻去探佢地啦 ~

一胎總共四隻，三隻唔同既顏色。
當時只係識得蠕動，爬下爬下咁 ~
眼睛未開，已有一層薄薄既絨毛。
肥o都o都，好可愛 ~

佢地需要黑暗、寧靜同安全既環境去成長。
平時鐘意囡埋一齊訓教 ~

媽媽係生佢地之後，就用牙齒咬甩自己既毛髮，比佢地保暖 ~

主人為確保BB有食到足夠既奶，每日會用人手餵一次，每次10秒鐘就夠了。
因為兔仔既奶好有營養，一隻初生既兔BB只需要每日幾滴奶就夠了 ~



媽媽係一隻好靚既賓尼 ~

因為盡量唔好留有其他氣味係初生兔後身上，所以頭一個星期都要帶膠手套，
膠手套有搓過兔媽媽既氣味呢 ( 排泄物 )


細細既長耳朵好得意呀 ~

鐘意訓教既佢地，自動long個頭落我隻手指公度 ~
成個心都比佢溶埋呀 ~

呢隻係最懶訓的 ~ 一放上手就訓著左 ~ 郁都唔郁 ~

肥傑反轉佢黎睇下，好得意呀 ~

一放番落去仲過癮，企左幾秒就向左邊企唔穩咁囡低 ~

跟住再轉去右邊訓 ~

似豬仔多過兔仔 ~

花仔大隻左好多呀 ~

有片唷 ~  睇片會可愛好多 ~

     
一手抱兩隻 ~

 

                                                                                                                                    麗

真的是冬天嗎？

 

繁花開了，鳥兒在叫，蜜蜂在採花蜜
我在懷疑，這是冬天嗎？

是我強迫他帶上這朵掉在地上的花。^^"

我也要 ~

屋門前的小小小花。

Camberwell路邊的花 ~

水仙 ~

還有千年靈芝，哇哈哈哈！

 

                                                                                                         麗

 

Camberwell的美麗建築 ~

今日朝早，收到一個好好既消息，
唔開心左成晚既林小朋友開心到喉嚨緊晒，
連多謝都唔識講。

琴日跌左係電車上既銀包搵番了 ~

我地立即去Camberwell既電車總站 (類似維修站之類)
有一楝小小的舊式的Tram Office ~

傑就係係果度同佢既銀包重聚
所有原本要同佢say Goodbye既HKID Card, Cash, 3Bank Cards, Student Card etc.
全部回歸佢既懷抱，安心了 ~

然後我地周圍亂咁闖，去尋找美麗既建築。

呢楝唔知係教堂定紀念堂呢 ~
好似係紀念Victoria 既一個貢獻過的偉大女人。

我見識少，唔知道背後既意義，只看見建築好靚，好特別。

配上當天無敵的藍天。

另一則既style更討我喜歡，有少少Harry Potter既感覺 ~

拍了數張簡單清靜的合照，我們的三週年紀念就俏俏的記錄下來了。
留待將來成為一張經典，一張張窩在心頭的照片，一段段甜酸苦澀的回憶。

在這草地逗留了一段時間後，我地繼續走。
呢楝係Camberwell Hall。

經過充滿古老味道既警局。

看到了美麗純潔的冬景。

拔到了一間又平宜又親切的飯店。

只係$6AUD，有一大盒烤雞肉配炒飯伴沙嗲汁，好多好多肉 ~
見到我地兩個人，仲主動比多套叉同我地傾幾句 ~

好少會遇到呢種款待了，大多時見到你叫咁少野食，態度冷冰冰的。
我都明白兩個人叫一樣野唔係咁有禮貌，不過真係好貴呢  >___< "


呢兜有人情味既飯，食到我地兩個都好開心 ~

今天的日落紅暇。

夜晚我地去左Nando's試下。
除左雞雞牌幾得意之外，下次我可以整個更大更好味既自己倆個吃。

                                                                                                                    麗