Father's Birthday。Buffet in Luk Kwok Hotel

今日我地去左灣仔既六國酒店度食Buffet，慶祝爸爸五十歲生日 ~

無數碟既smoke salmon ~ 好好味呀 ~

sausage好味 ~

甜品 ~

有格仔餅機比人自己整 ~

我係咪好嚇人呢，可以食咁多。
Haagen dazs雪糕黎的，球球都舀到好圓架 ~

又砌Pancake ~

妹妹、傑同我一齊送左頂帽同太陽眼鏡比爸爸 ~
等佢冬天唔洗凍親個頭，搾車唔洗比陽光刺眼 ~
爸爸收到都好開心 ~




                                                                                                                 麗

挪亞方舟義工日

尼日我同傑join左做丘左榮小學旅行既義工 ~
我地去挪亞方舟。

尼個地方我地想黎好耐架啦
今次以義工既身份照顧一班小朋友，別有一番意義 ~
我地每人睇十個小朋友，傑個組係二三年級，企第二排 ~
而我個組有十一個人，全部都係岩岩升上一年級，企第一排 ~

一年級係可愛d，不過佢地真係好細個，咩都唔識 ！

一黎就有一個甩牙，跟住有一個腳痛，仲差d喊
（我咪幫佢除鞋睇下有咩事lo，點知原來係綁得太緊）
佢地全部都係咁：姐姐！姐姐！ 咁叫
一陣話急尿、肚餓、口渴、累、話邊個邊個打尖
連阿華田都唔識得加糖、唔識得攪、食飯係咁跌叉、食樽蓋、摷垃圾桶
蹲地下、仲有流鼻血唔出聲，用手搓到成手血.......
興奮起上黎既時候全部都失控！

好不容易先安排到秩序，排好隊，無走失人。

尼一日我叫到聲嘶力竭，
活動完左之後我個腦仍然不停聽到有十幾個細路仔叫我做姐姐姐姐，
心諗：好彩我唔洗一下子生十一個姐 ~

雖然佢地聽落係好似小魔怪咁，不過仍然好鐘意佢地 ^_____^
一齊睇下d相啦  ~

參觀完幾個展覽館之後，就一齊食飯啦 ~    ( 展覽館唔可以影相 )

我個台

傑個台

然後就教佢地整毛巾蛋糕俾最愛既人。

祝媽媽白頭到老    尼句真係好好笑 ~ 哈哈哈哈

有一樣特別既就係，我地成班去參觀 "生命最後30秒倒數" 尼個活動
我地大人其實好感觸，但係細路仔就似乎唔係太明當中既意義
正當我地大人諗緊好唔捨得身邊既人既時候，
有個小朋友大聲咁答：命最緊要！
引到我地全場大人都大笑 ~

仲有一齊睇挪亞方舟3D電影既時候，真係好3D好刺激，
班小朋友更加係按捺不住，勁興奮咁伸晒手出去竭力在空氣中捕捉，
見到佢地咁天真既行為、咁可愛既笑聲，真係由個心裡面笑出黎 ~
好開心 ~~




參觀完所有野之後，我地就去方舟花園啦 ~

全部都無時停，係咁郁，周圍跳，周圍爬

派私家糖俾佢地食 ~

好靚呀，陰天都有陰天既美景 ~

當日有不少咁樣既相，想正正經經影一張都好難

完lu ~

尼一日對於我同傑黎講都好特別，係我地兩個第一次一齊做義工，照顧小朋友
我地大家都有一個難忘個回憶。


                                                                                                               麗

Pancake *

Pancake 真係易整又好玩 ~ 整得靚靚個人又有滿足感  ~
好開心ar ~

朱古力味尼個皮煎得唔係咁好, 因為用舊煎Pan, 好難煎

再煎第二個既時候就掌握到lu ~ 滑嘟嘟唔錯呢 ^_____^

                                                                                                                    麗

嶺南印象園一日遊

呢一日，爸爸、妹妹、肥傑同我一齊參加左中旅社既promotion $60一日遊
去廣州既嶺南印象園 ~     

叫得做印象園就梗係比番個深刻既印象你啦 ~ 呢度模仿住以前既嶺南，
入面有好多古式既大街市集，保留住傳統既中國文化，環境非常之靚，
我地開心到周圍影相 ~



 (順帶一提，下面大部份既相係用新相機影的，買左第二日就去，所以未熟，仲用緊auto tim =o=)

果度真係好鬼識做遊客生意，有好多好多呢類area比你影相同玩~ 好靚a~

我終於可以食到細細個係廣州食開既五羊牌香芋味甜筒啦 ~ 好好味呀！

入面有非常多極具代表性既建築物，
例如祠堂、武館、衙門、戲棚、驛站、派出所、錢莊等等~

打木人樁打到成個超人死光咁~ 哈哈哈哈！

男人要係下面搶球架 ~

入到去派出所，仲有衫呀、帽呀，槍呀，比我地玩。
你睇我地同爸爸擺好晒Pose，勁正 ~ 除暴安良呀 ~

呢個犯人比我地收押左，已經鞭左佢幾鞭啦 ~

不過佢好快就逃脫，仲用搶指嚇呢個好昏庸既警察！

跟住我地去左織布，我仲界損左隻手呀 > <
不過好好玩架，果度個嬸嬸好好心機咁教你點織 ~

一睇就知呢度係衙門啦 ~ 出面有鼓比你申冤，
入面仲真係有晒「威…武…」果D棍，下令既令牌同肅靜既槌仔 ~
好好玩呀 ~

跟住我地走lu ~ 其實仲有好多相架，但可惜阿烏只可以放20張，哼！


走之前影左張大合照，你睇阿爸幾開心 ~

跟住就帶我地去左蜂蜜場度睇下D蜜蜂點樣勤力工作 ~

然後就去下D大祠堂，跟住就食飯，餐飯真係唔錯 ~

家敏成日偷影我！

搭車走人lu

核突的自拍 ^^"

呢一日真係好開心，有3個錫我既人，當我坐車唔舒服既時候，身邊更有兩個愛我既人痛錫我，辛苦既時候可以伏係佢地既大腿度，備受呵護同關心，回程既路上真感動，雖然大家冇講D咩，不過一切盡在心中，我真係覺得自己好幸福，一生人有兩個咁愛我既人，還求甚麼呢？

我愛你地

                                                                                                                  麗