墨爾本水族館。Melbourne Aquarium (With Videos)

12-4-2009

    Melbourne Aquarium 最吸引既地方，
    就係有King Penguins，姐係最大隻既帝皇企鵝睇啦！佢地每一隻都肥o都o都！

    

小朋友全部都好開心！因為企鵝會跟住你手指左右狂亂咁Fing頭！

   


   

       


     


   

 

   

石頭魚真係好樣衰！次次見到佢都好想嘔呀！

     外國既水族館雖然都係不外乎Sharks同摩鬼魚，但係...佢地既Size就...
     Really Really BIG！大概有3個成年人既身體咁闊！

    低B配音。我都唔想架，唔知點解果時會咁

   

     我地好白痴，企左係呢度大半個鐘，為左捕捉佢大大隻係你頭頂呢一刻，
     你睇我幫傑影得幾好！

    

 

         雖然冇咩野好特別，但係我地都玩得好開心，因為，我係第一次睇到咁大咁大既帝皇企鵝呀！我由細到大都以為企鵝得手掌左右咁大，原來成45cm咁大隻架！除左企鵝之外，摩鬼魚呢下真係令我好難忘，真係好巨！大開眼界呀！

        再下一次既水族館之旅，係Sydney架，再有一D大型生物同絕種生物！海象！我諗好多人聽都未聽過 >3< 等我下一次帶你地走出維多利亞省，衝去新南威爾斯啦！

 

                                                                                                                   麗

深水埗特色。覓布的三天

 

         補打番之前整包包去ShumShuiPo尋布之旅！幾經辛苦，終於比我搵到有得散買布既地方啦！雖然好熱好辛苦，不過呢個地區真係好有特色，令我過左特別既三日 ~ 好開心！

我係呢間買左2塊布，又係第二間買多兩塊 ~

 

 

基隆街呢樹，有非常之多既手工藝店鋪。

特別嗎？地球人都知道興記生果平靚正！你係咪地球人呢？

 


仲有大魚魚！我地真係好大鄉里，好多野都未見過 ^^"

累到唔知點既時候，嘆左碗又滑又凍冰冰既豆腐花 ^O^

         真係唔好睇少ShumShuiPo呢個地方！其實不知幾多專業人士黎呢度搵材料，果種專業既感覺，另到我覺得自己好渺小呢 ~ 淨係睇下呢條布行街就知！

 

 

                                                                                                         麗

Sovereign Hill Ballarat & Great Ocean Road (With Videos)

29-3-2009

    我地去左淘金ar！呢個淘金鎮係澳洲保存得最完整的。
    你地睇下，佢地既店鋪都係保持住最古舊既特色，所有職員都會穿上古裝。

    個礦井抽水器講你都唔信，至今仍然係用煤黎發動。

    我地join既係day tour其實係插入中國香港黎既遊行團，所以全部都係Chinese。
    我地依加坐礦車入地底啦！我地入既係第一層！

    雖然只係第一層，但係真係好凍，好陰涼！
    下面呢張相，係真金黎架，好大舊，有紅外線保護住！

         然後我地就去左淘金河玩淘金啦，唔好以為得個玩字呀！有個鬼婆同我地講，佢真係淘到好多金箔架～

        你知唔知呢，去到果度真係冇咩人影相，唔同國家黎既人都mou係河邊，都係烈日之下努力咁篩個盤，我同傑都唔例外，自從我剷上黎第一兜砂入面淘到粒金之後，我地都好開心，好努力咁去淘多D做紀念品 ^O^
     我地只係影左2張相 =o= 其他得片咋！

    Up短片上黎比你地睇下個環境啦 ~ 因為真係好古舊，保存得好靚呢。我地淘淘下既時候，仲突然間有個警察捉一個後生仔小偷，仲突然開槍呀，Bang！一聲嚇到我地全部都彈一彈！好彩係搞下氣氛姐！佢地著晒成套「古裝」，加埋佢地迫真既演技，唔講真係以為去番舊屎。

     

     淘到粒金鼻屎仔，佢個樣真係得戚到佢丫！

    你地睇下！係咪好靚呢！
　不過呢樽唔係我地淘既，下面果樽先係 ^____^"
    呢樽係買黎做紀念姐架～ 我地買左兩樽 好靚呀～

　雖然我地親手淘既，每粒都唔夠鼻屎大，但係真係好開心架！
    唔知點解特別有紀念價值 ^O^

 

         跟住我地就坐多3個鐘車，去Great Ocean Road！睇十二門徒石！我好多張相都係笑到苦口苦面，因為我暈車浪，超級辛苦呀！

     風景真係好靚好靚 ^^

         親身到左呢個大自然雕啄而成既奇景！一望無際既大海加上親眼所見既大自然力量，一到步已被無聲既莊嚴震攝！個口只有不停咁讚嘆，心裡面更加係無比既佩服！據說呢12塊巨形奇石都係係恐龍時代開始侵蝕，至今只係剩番8塊咋！
呢次既行程真係好值得！非常難忘！

     你地睇下圈圈入面既人幾細粒！就知有幾宏偉！

     



    你地睇下，D相靚到好似一副畫咁 >3<

　傑影相成日好鐘意咁樣樣攬我，佢話好順手喎，搞到我好似個「孕婦」咁，我真係想澄清一下，我未有BB架 ～ 雖然個肚真係凸凸地...又圓...=o="

 

 

                                                                                                           麗

Shrine Of Remembrance & Royal Botanic Garden (With Videos)

好耐冇開過澳洲旅遊生活既post tim ^^"

今次要分享一下二次世界大戰紀念館及就係附近既皇家植物公園

28-3-2009

    澳洲到處都係又大又綠油油既草地，真係好靚，好寫意～

    沿路行上去，就係Shrine Of Remembrance。

        我地入完去之後，都被莊嚴既氣氛感染到，紀念館入面記載住每一個士兵既名，每隔一段時間就會響起鐘聲和音樂，悼念當年既列士。

 

然後，我地就換過個心情，去附近既Royal Botanic Garden閒遊。

　

小朋友真係好可愛，我地足足企左係度半個鐘，就咁睇佢地嘻嘻哈哈～

     你地睇下Grandfather個backpack！好可愛呀～

　Royal Park時不時有人舉行婚禮的，仲有豎琴表演唷。
    今次黎Royal Park，見到有好多人Picnic or relax on the grass，
    So let's go to picnic next time!

     然後，我地去Starbucks度high-tea，
     Signature Ice Chocolate真係好正！我每次去都會飲的！
    

 

                                                                                                                    麗