大澳

 

今日見天氣鬼火咁靚 ~ 突發奇想：不如去天壇大佛囉！
見屋企去東涌坐幾個站就係，於是就即刻出發 ~

東涌呢度個水池好多小朋友係度玩，好開心 ~

去東涌車費已經十幾蚊，哇！去天壇個村巴又十七蚊！
果度得一座大佛冇野行，好似唔係好抵喎，加上大熱天時要等多半個鐘先有車！
於是我地就跳上一架即將要開去大澳既村巴啦 ~

四十五分鐘既車程，終於到左大澳呢個僻靜既小魚村啦 ~
一落車就感覺到呢度既甯靜同純樸 ~ 比南丫島、長洲更為舒服。

背後係一d遠觀白海豚既小船 ~

一條散發著乾海味味既小街 ~ 應承左幫媽買咸魚同蝦醬 ~

好好味既眉豆茶果 ~

怕熱既肥傑買左一支冰涼茶！

炭燒海鮮乾 ~ 買左十蚊魷魚及黃色魚仔 ~
黃色魚仔係店員介紹，佢話呢個好好食架，咩都唔洗搽！
於是我地就試下新野 ~ 哇 ~~ 真係超級好味架！好食過魷魚好多！

等待燒烤既時候，見到旁邊鋪掛住既雞泡魚！
大過我個頭 ~ 個樣超好笑 ~

大過人既鯊魚乾！

寫住歡迎拍照既大魔鬼魚乾！

濕地上面有數量非常多既彈塗魚及寄居蟹！

十一隻既貓

少林與大澳酒店

熱到暈，食碗凍豆腐花 ~

行出店鋪時，發現有好多雞泡魚仔，發出陣陣既海味味 ~
初時唔敢摸架，叫肥傑摸，佢話好似假架，跟住我摸下，好似發泡膠呀！
不過我唔信一個魚村會賣假野咁無意思，於是問下店主，
原來係真架！！！

入面塞左公仔綿縫好再曬乾 ~ 買左一個番屋企！就係下面果隻啦 ~
BB雞泡魚呀 ~

跟住繼續行 ~ 行到冇乜野行，就坐車番番去東涌lu ~

係東薈城行左一陣 ~ 係拎住袋好「香」既咸魚行！

回家了

屋企附近晚餐 ~

 

 

 

                                                                                                                         麗

 

♥BBQ 三星灣

 

天陰陰去BBQ唔錯，唔洗曬到又熱又辛苦 ~
呢日我地去左西貢既三星灣，燒完就落去沙灘曬下太陽。
真係陰天都曬得黑架！ 

 

你睇下我個肚腩，所以我成日都唔鐘意著呢件背心！
大本身係大 ~ 不過近排努力做Gym真係細左，輕左3磅，
朝早起身度有25寸，未至於咁大囉 ~ 我Keep fit真係有汗水付出架 ~

 

肥傑以為自己坐直左會瘦，影完出黎個效果好好笑 ~

Meat Lover！

家敏居然可以帶埋刀叉出黎鋸扒！
真係未見過有人燒烤都可以食得斯文 ~
不過呢個idea好呀 ~ 乾淨！

我「草」埋起黎既制成品 ~

燒完之後去沙灘 ~ 我唔記得帶泳衣，臨時買左條褲 ~

涼快一下 ~

 

 

                                                                                                              麗

 

心胸的廣闊

 

 

一個人，無論男人或女人，
保持心胸永遠廣闊大量，比起保持永遠青春貌美更為重要。

這段期間，工作上實在不大愉快，遇上了一位態度耐性奇差、心胸思想極奇狹窄、完全不懂說話藝術的同事，她的聲線異常高亢自我，而且處處相鋒針對，此等性格導致她外貌極奇惹人厭惡。與她打招呼，只會板起臉孔，思想倔強愛道人是非，她的一舉一動所作所為可說是讓這世界更不美好。我相信，大概每個人都會遇過這些人吧。

這是我第二次遇到這類人，不過她給我的感覺是最蠢的一個，要跟這類人相處不是辦不到，而是如果這事業並不是你喜愛的事業，這並不是你敬重的一間公司的話，實在不值得你去改變。「學習與不同的人相處，不要隨便放棄或逃避」是必然的，成熟與稚嫩有時只是一線之差，只要問心無愧自己有努力過，不是逃避不是衝動，便可讓自己釋懷，我不要再迫自己了。每一顆不同的種子，要放在不同的泥土上面才能成長，不用因為自己發不了芽而不快樂，亦不用因為自己跟其它植物溝通不了而難過，因為你不屬於這片泥土。

 

 

 

人大了，就不能再期望身邊待著的都是「心胸廣闊，講禮講理」的人。

不愉快的事在你的身上發生後，要永遠記住人性美好的一面，即使受傷了，亦切勿因為這些經歷讓自己變得心胸狹窄，思想閉塞。請繼續帶著美好的雙眼去觀摸人生，帶著甜美的心態去感受生活，找出屬於自己的一套舒解方法，一套舒適的相處方式。

因為，世界讓我們見識更多不同的人，不是要讓我們變得更小心眼，而是讓我們變得更聰明，更廣闊。

 

 

 

                                                                                                                              麗

 

 

被包容的感覺

呢段日子真係過得好開心，幾乎所有野想做就去做，唔諗咁多 ~
拜師學畫、Gyming、剪短髮、化妝扮靚、游水行山踩單車，
呢度去果度去，試完呢樣又果樣 ~
連臍環都釘埋 ~ 誓要令青春無悔，活得精彩！

今日係小店鋪肆意既Shopping、High Tea、Book機票酒店去Thailand ~
一口氣買左6件衫，1頂帽，再係Body shop買左兩件護膚品。
開支全部都係係肥傑身上，其實我一直以黎都好內咎，
好想自己可以賺錢，自己買自己鐘意既野，得閒又買D野比肥傑。
但係我依加賺既錢實在太少，淨係夠應付到畫費同車資。
想要既野實在太多，肥傑從來都唔介意用佢既錢，
但係我個心每一次都好唔舒服，都會同肥傑講：「我又用左你好多錢 :(」
今日佢好詳和咁攬住我話：「反正遲早都要養你既，早一兩年我又有乜所謂，
只不過你最緊要諗清楚將來既路點行，有個明確目標，呢D錢洗幾多都冇所謂。」
其實我個心呢段時間真係好唔穩定，一直都搵唔清自己既目標，
總係飄浮不定，好多野只係講左又唔去實行…
你不單止唔會怪我游手好閒而想要想買既野又多，唔會比壓力我，
你仲會比時間我去搵自己出黎，比時間我去反省。
好多謝你一直以黎對我溫柔既包容，體諒我偶爾既任性與放肆，
實在令我感到好溫暖，好感動，好舒服 ~

我既每一日都過得好幸福好開心，
因為一直以黎你都比我做自己鐘意做既野，相信我既能力，
你給予我既鼓勵令我一步一步地前進 ~

 

 

行累左就坐下 ~

今次Pay晒全部Payment，正式搞好成個Trip！
依加只需要等待9月既泰國曼谷芭堤雅之旅！
希望太陽伯伯到時會「照」料我地吧 ~

 

                                                                                                               麗

 

黃金海岸

 

上一次去呢個地方既時候，已經係18年前既事。
印象中記得呢度既建築物同平時生活見到既好唔同。

哈哈哈哈，又真係幾靚 ~
不過呢度太細，完全冇野行，真係再18年之後先再黎。

 

 

呢度既餐廳好寫意呀 ~

真係海天一色 ~

個頭成個白雪公主咁 @﹏@

沿著山頂既雲層 ~

當日炎熱到不得了，亂衝左入去MarketPlace度涼冷氣，
發現有切好既凍西瓜賣 ~~~~~
係一個歐陸武既地方，好浪蕩咁係樓梯底度食西瓜，感覺好浪漫呀 ~~

然後去左黃金泳灘 ~

呢張相好靚 ~

晚上番番去旺角花園街，帶肥傑去試下呢間野 ~

佢叫左個羊扒，好好味 ~~

一個三文魚芝士Pizza

我仲大鑊，原來豬手真係咁大隻架！
咁都不特止，以為骨大姐，點知…

哇 ~

肥傑先食完佢自己果個

再幫我起豬手既肉 ~ 原來超級多肉呀 ~ 飽到丫！

與骨頭既留影 ~

 

 

                                                                                                                            麗