Christmas day

Christmas Day選擇外出真係一件唔明智既決定，
98%既店鋪都冇開，馬路上既車輛極少，行人幾乎只有我同肥傑，
仿似喪屍襲城既前夕一樣。
冇話聖誕氣氛，連平日都不如 Orz

連公共交通都免費任搭。

我地出到City，人類多番少少 ~
居然有Lord of the Fries食，不過今日既無咁好食。

唯有搵下D冇見過既建築物影相，呢D咁舊既建築物全部都係RMIT黎。

到達St Kilda後，係地上見到一個比風吹落黎既穀，
新生命既誕生呀 ~ 仲有新鮮既血絲架。

呢到係最好氣氛既地方，不過好大風。

太陽伯伯出左黎幾秒

有人跳落水尋找刺激，我就咁行都凍到不得了。

今日見到好多企鵝呀 ~~

新款聖誕帽 ~

跟住又出番City。

去左一間有開既餐廳食晚餐。

 

 

                                                                                                                         麗

Christmans Eve

我地既平安夜晚餐 ~
同肥傑係屋企整左成日，好忙碌呀！
火雞我地就冇啦，但係買番黎既燒雞就有一隻！

Puffs Recipe: http://hk.myblog.yahoo.com/cherylcheung/article?mid=4518
Ginger Bread Man Recipe: http://hk.myblog.yahoo.com/kin-4430/article?mid=697

 

 

Ginger Bread Man有9成都係肥傑畫架，估唔到佢都幾有天份！
佢真係好好耐性係度逐個逐個畫，
而我就只係負責用白色畫眼口，同埋畫左3棵聖誕樹。

搞左一大輪，終於有得食啦 ~

                                                                                                                        麗

 

Sunny Day at Chelsea

Wow~ 我好鐘意呢張相呀，好有渡假既feel呀~

今日無無聊聊見天氣好，「難得」28℃，出去沙灘游下水！
點知D水都仲係好似冰水咁！

過左幾日之後就係yahoo見到呢單新聞：
http://hk.news.yahoo.com/article/101220/4/lv3b.html

Copy from facebook
唔怪之得啦 Orz 到依加12月尾都仲凍緊…
鬼有白色聖誕，要特登坐車上雪山架，講到好似好正咁，
我依加就唔熱唔凍，D海水凍到冰水咁，水又游唔到！



結果我等左好耐既炎炎夏日都仲未黎，冒住凍死既危險行出去海中心！
好西利架！愈行愈淺水！我地行到去勁遠D水都係去到大腿！

(發現過程：當我地行左幾步，D水去到我地腰時，發現遠方有人D水去到大腿，
當時覺得非常神奇，肥傑說：「哇！點解佢地可以企係度既！」 =o=)

D Beach House真係靚到暈，入面有齊晒廚房仔，沙灘椅，床，沙發，
顏色仲要同間屋襯好晒 ~ 我都好想要一間 ~

當日唔止凍，仲非常大浪，又多好似人頭咁大既Jelly fish同魚仔，游唔到水。
跟住就好開心好白痴咁曬下太陽，影下相 ~

澳洲既天空真係好靚 ~

肥傑當時講緊一D非常白痴既野！

笑下笑下個人就好亢奮 ~

再加埋佢既行為 ~

跟住就好開心咁影下合照啦 ~

晚上去左呢個成日坐車經過既地方食dinner
每次日落時見到都覺得好靚，好有feel ~

今晚第一次食Red Rooster！又平又好味！

 

                                                                                                                   麗

 

士多啤梨芝士蛋糕。Strawberry Cheese cake

100%新鮮士多啤梨！
肥傑幫手打Cream Cheese ~

自己煮既果醬

打Cream ~

跟住撈埋佢 ~

完成品！

個款式係同肥傑一齊設計 ~

                                                                                                                    麗

 

芒果拿破崙 Mango Mille Feuille & Papaya Milk

好開心 ~ 整甜品真係好開心 ~
我又用左一日半埋首係廚房度 ~
今次整左芒果拿破崙 ~

細細粒既好可愛

澳洲芒超級好食！又香又多汁又厚肉！

仲有我好鐘意既鮮榨木瓜奶 ~

 

                                                                                                                               麗