藍莓，不嬲都唔係我同肥傑杯茶，覺得有陣藥水怪味。
不過原來煮好左既藍莓醬係非常好味！
今次得一盒藍莓唔夠，下次份量絕對要Double！
多謝以下兩個食譜 ~ ^^
藍莓醬。Shirley
http://shirleyliving.mysinablog.com/index.php?op=ViewArticle&articleId=1613058
焗藍莓芝士蛋糕。左髀
http://hk.myblog.yahoo.com/jw!jL26mBSYHxX0RNYYtc2j4Y2NvLc-/article?mid=245
自製藍莓醬 ~
麗
今天，很開心 ~
幸運地，於剛開學還未到兩個月，才第一個為期7天的實習中，
我勇敢的「嘗試」，得左啦！
真不敢相信，冷冰冰的Director不單止答應了我可以每星期二繼續做義工賺取經驗，
更主動問我有否興趣當Casual，即是臨時員工，我當然一口就答應！
看到班上的老師同學，以及實習後跟staff的聊天，這可不是人人輕易得到的機會！
第一天上課，老師就快樂地分享當年自己讀Childcare的經驗，
她說當時Director欣賞她的表現，於是就請她打工，
我當時心裡暗暗就知道有一個機會，不過心想二十多年前的事，如今應該不同了吧。
我剛好被派到去一間全澳洲規模最大的Childcare centre實習。實習其間，我抱著一個嘗試的心態，為的真的不是一份散工，而是一份難得的工作經驗，及那段與小朋友已建立的感情，那段期間真的挺累的，每天7小時，大概10個小朋友。我十分緊張自己的表現，又要勞氣Housemate連續兩晚帶朋友來開parties。二來整個centre裡面的不論大人小孩都是本地人，要想辦法跟他們相處呢。
幸好當中有不少都很友善，試著跟她們聊天，虛心學習，做好自己，
慢慢的，由最初沒甚麼人注意，到開始走來跟我說另外一位外國實習生的壞話，
甚至開始感覺到她們不但沒嫌棄我是「新手」，想要我到她的組裡幫忙 或是 聽到
"Daphne! I don't know u're here. U don't look like a student. U just look like a staff."
or
"We never seen a student dresses so tidy like her"
她們會分享食物給我，我當然不會客氣。適當的時候做適當的事就足夠了。
我喜歡慢慢受人喜愛的感覺，這是我在班上完全感受不到的事，
這實在給了我很大很大的鼓勵和自信！
經常聽著身邊人說在澳洲得到一份當地人的工作一點兒也不容易，
自己亦心知在國外生存不是一件容易的事，因此這次的機會實在非常重要！
踏出了在澳洲打工的第一步，踏出了Childcare的第一步，踏出了賺取經驗的第一步！仲有錢呢，聽人講好似$15-20蚊一個鐘，對我來說不懶吧。
哇！哈哈哈哈！我得左啦！
我開學唔夠兩個月，只係第1個實習就有人請啦！
不枉我溫柔耐性咁照顧好每一個小朋友！
錫晒你地呀！
下一次先再慢慢講下placement既routine，
同埋小朋友多到講唔晒既趣事、臭事、令人疲倦既事同窩心既事 ~
麗
8月9日
我地再去朋友屋企，睇下出生左第12日既Baby兔仔 ~
我諗唔需要講D咩啦 ~ 睇到D相個心都軟晒 ~
第一段片
第二段
第三段
不過過左一個星期之後，就收到個消息，最大隻果隻死左。
死因應該係因為比另外三隻坐住訓教，焗親。
初生小兔兔總避免不了死亡的威脅，這是自然現象既一種，
希望其它果三隻健健康康咁成長啦 ~
拜拜啦 ~ 唯一一隻似媽媽果隻
麗
8月21日，搬左去新屋，頭果一個禮拜都好累好辛苦，
又要番學，又要趕做assessments，又要執屋。
跟住既日子開始緩和落黎，不過一樣好多野做。
搬左去新屋之後，個人慢慢一日比一日開朗，然後先發現，
原來係舊屋度係咁憂鬱，住得咁唔開心、咁辛苦，
真係好多謝屋主咁樣對我，如果唔係佢趕我走，
我都唔會有機會搵到呢間咁好既屋。
呢D人唔值得我唔開心，果件事過左去就算。
不過計埋果度成屋人，再加5個同學，發覺韓國人好似都唔易相處咁喎!
可能文化差異太唔同啦，佢地既「民族意識」好強，性格比較自我，
加上講野好似不滿同扭計咁，永遠大聲加粗魯，好不令人煩心。
怕怕了，連韓劇韓戲都唔敢睇，
那種溫柔、待人有善有禮既性格與現實實在有天淵之別 
嗯 ~ 跟住就一直好忙碌咁過，直到今日，9月8日。
終於有得上網lu，20多日黎，miss左唔少新聞，
不過菲律賓呢單野我有用手指上網睇左十幾篇新聞，
身為香港人，真係好心痛，閱讀住生環者筆下的所見所聞，
都教我心驚膽擅，體會到當時的恐懼無助。
我覺得呢件事冇表面接收到既訊息咁簡單，
絕對唔係話一句問 點解當地警方咁蠢唔咁做，
點解人們咁冷血都仲去影相留念 或姐 點解菲總統仍然冷笑。
背後實在關乎住好多政治因素同社會既黑暗面，
亦唔多唔少反映出香港人係菲律賓人心目中既形象。
只想希望當留意一單新聞時唔好只關注一兩面，特別呢一D誇國既事件。
講番最近既生活先，新屋呢度住得好舒服，第一晚就習慣晒，
忙碌既生活令到我疲倦不堪，為在爭取「機會」，
上個星期真係幾大壓力，甩多左頭髮。
6號至10號係我一連五日既Placement，實在有好多好多野想講想記低，
好累，好開心，好難忘… 個腦好亂呢，好似塞左一大堆野係度，
等我過幾日開幾篇新blog慢慢整理，慢慢寫！
希望快D到20號既Term Break吧！
麗
番工之後就知道好多野係點整同埋用咩醬，
食飯食到悶，就包下野黎食 ~
其實唔洗落Carrots呀、Red Peppers同牛油果，
不過我貪多D料，健康D同飽D~
Souvlaki係希臘既美食文化，如果想整正宗既，可以睇下面呢個網 ~
下次我都整番個正宗既先 ~
http://www.souvlaki-recipes.com/t/chicken-souvlaki/
講你都唔信，全部用最細既刀切架。
麗
佢地呢班可愛既小賓尼BB係係7月28號朝早黎到呢個世界 ~
出世第5日，我就即刻去探佢地啦 ~
一胎總共四隻，三隻唔同既顏色。
當時只係識得蠕動，爬下爬下咁 ~
眼睛未開，已有一層薄薄既絨毛。
肥o都o都，好可愛 ~
有片唷 ~ 睇片會可愛好多 ~
一手抱兩隻 ~
麗
