一對雙腳伴你可漫遊

今日我地3點出門口，陪傑剪頭髮 ~

因為平時幫佢剪頭髮果個朋友升左Lv，$288

我地又要為去澳洲而做準備，所以就求其去左間Salon度剪

點知…核突到咁 佢好唔開心呀，係咁照鏡、整個頭

有冇留意到我都剪左頭髮呢 ~
大大話話都幾寸架! 忍住痛咁比傑幫我剪




跟住我地去又一城溜冰 ~

由4點溜到7點半，大家都進步左 ~

然後我地決定由九龍塘行路去九龍城
問左兩個人路，佢地都話太遠啦，搭的士啦
但係我地好享受用雙腳行路、探路到目的地既感覺 ~
人地話幾遠，我地當然唔在乎 ~

於是我地用左近一個鐘既時間，終於行到去九龍城 ~

好喜歡用呢一雙腳伴你到處漫遊 ~
我地曾經用雙腳走遍澳門，玩盡了兩天，只有路環來回氹仔先搭左兩次車
我地曾經用雙腳走遍Sydney City ，翻過The Rocks找到Opera house
也曾經走遍Melbourne每一個地方
好喜歡那種靜靜的，與你一起步行的感覺 ~


今晚也不例外 ~
途中買左兩個Cheese cakes同糖蔥餅

9個字之後終於見到呢個標誌啦 ~ 我地就黎到啦 ~

累了 ~ 休息幾分鐘

然後我地去小曼谷食野 ~ 都係食開既好味 ~ 肉鬆炒飯勁勁勁好味 ~~~

椰皇沙冰 ~~

食到好飽好飽之後 ~ 我地就去搭車走，點知架巴士岩岩走左
於是我地決定行路番屋企 ! 旺角xx花園 ( 近奧運 )

九龍塘 → 九龍城 → 旺角西

Yes! 成功!

傑呢晚好鬼死開心 ~



                                                                                                                        麗

My second cake。XMas

焗日式綠茶芝士蛋糕 ~



個字我求其用現成既吉百利溶黎寫，因為太稀，所以寫完之後會變形 ^^"

呢個蛋糕好易整，清清地，又唔熱氣，家敏同傑食完之後讚好味呢 ~
Heehee … 如果下次整滑少少就更好啦 ~
我估係應該Cream Cheese打得唔夠，同埋落粉既問題，應該篩住黎落先岩呢 ~



努力改進，我相信蛋糕   一個會比一個更好的 ~

Merry Christmas ~

                                                                                                                     麗

XMas。HK Disneyland Part TWO

跟住坐蜜糠罐去百畝森林搵維尼呀 ~ 入面真係跟足晒卡通，好得意呀 ~
D歌我同家敏仲隱約識唱幾句 ^_____^

排隊時，一頁頁既故事書頁 ~

玩完就即刻搵Pooh Pooh影相啦 ~
就黎輪到我既時候我仲有D緊張tim呀 >O<

然後行番出去Main Street度醫肚 ~

休息陣之後，話咁快就入夜lu ~
我地係Main Street呢度等雪亮聖誕既亮燈儀式 ~ 影左幾張相 ~
仲有雪落呢 ~

玩埋樂園既最後一Part，明日世界 ~

Space Mountain 係樂園入面最刺激既一個game，幾好玩，但非常之暈！

傑：我以為果下直插呀！所以個人狂向後！

我同家敏都係D光搞到唔舒服
見到傑咁痛苦既樣，我地大家都笑到死！

玩巴斯光年 ~

最後我地等埋煙花表演 ~

漂亮嗎？

可能生活在香港吧，對於五光十色、璀璨奪目既景色已經覺得厭惡和麻木，
只覺得空氣混濁又極不環保，討厭繁華人多的街道，你擠我迫，
手袋每天都要被人撞上數十次， 人們且大多著重華麗虛浮的一面，


追求外在而缺乏內涵和獨立思想。

相比起多姿多彩、物質享受過於豐富的都市 ，
我更是喜歡懂得珍愛大自然的地方。
你懂得享受甯靜的智慧嗎？




                                                                                                                            麗

XMas。HK Disneyland Part ONE

我地趁住23號冇咁多人去迪士尼  ^_____^ 

第一次去，真係好細好細呢 ~  總括黎講唔係唔好玩，
只係如果我地細D時去，或者將來有細路，內地人又禮貌D，
唔洗排咁耐隊，然後每人平多$100，都係一個唔錯既選擇 ~



搭米奇地鐵去迪士尼lu ~

樂園入面 ~

睡公主城堡前既可愛合照 ~

第一站，我地去泰山樹屋 ~
我同家敏細個成日睇泰山的 ~ 個個禮拜日都搬D碟出黎，坐係地下度煲 ~

然後坐探險船 ~ 幾過癮呢 ~

                                                                                                                   麗

沒甚麼 我只想寫出我的痛

幾個月前主動見了姑娘，也終於證實患上了嚴重的抑鬱症，
我把這一切都努力掩飾著，壓抑著，是因為我很怕別人會把我看作軟弱。

我從沒有放棄過或讓自己沉下去，
我不斷努力，想要跨過這一切，想找回藍色的天空。

但每夜漫長染血的噩夢使我感到萬分害怕和痛苦，
心靈每分每刻也在受著無比的煎熬。

我好痛苦，這大半年都熬得好痛苦，我不想放棄，
但心卻已朽瘸不能成形，淌血的雙腿已乏力撐不起全身，
我好痛 …

http://www.depression.edu.hk/


從前，有一個憂鬱小王子，無論遇到甚麼事情，都只有憂鬱，一直憂鬱。

據說曾經發生過一場可怕的暴風雨，改變了他的世界。
如果你認識他，你會知道那是一場怎樣暴風雨。

即使外面的雨已經停了，內心卻常起風暴，眼睛不時掉下淚來，他甚至忘記了怎麼笑。世界都變成憂鬱的，沒有希望，沒有意義，很灰。

憂鬱小王子很想有人告訴他出路在哪兒，但他卻用孤僻的外穀，將自己藏起來了。

也許憂鬱小王子並不知道，他其實患了一種情緒感冒。只要走對路，這種感冒是不難治好的。





                                                                                                                   麗

愛我愛的人

 

當我正為自己的痛苦軟弱時，

卻沒有為愛我的人而勇敢…


妹妹

肥傑



                                                                                                              麗