家敏拍拖！

6月14號呢一日，係家敏Graduation Dinner~
我地朝早因為買野需要用學生證，而家敏冇帶，所以就打電話比一個將會黎旺角既同學啦！

我係則邊聽就覺得D語氣奇怪，跟住叫佢早少少出門口佢就出，咁順攤？

家敏收左線之後就同我講：佢係我其中一個Best friend黎，由上年開學到依加我地咩都會傾。
我：男定女？
家敏：男
我：哦 (心諗都冇咩特別，男仔Best friend好正常姐)

不過你知啦，我呢D賢良淑德既女人，自從同左肥傑一齊之後，其他男人就望都冇望過下！
我係話冇望過姐！絕對冇其他心態既！
今次就帶住一個「哦! Best friend」同睇青春少男既心態去睇下家敏既同學仔啦！

當日幾個鐘之後就係Graduation Dinner！"Best Friend"著住一套老西，慢條斯黎咁出現！
咦！正野黎喎！又高又瘦，望落又好似幾乖幾靚仔喎！心諗點解做Best Friend咁晒呀！
已經成個老娘咁既款既家姐即刻青春活力晒！打個招呼都醒過人！

就係呢個時候！家敏一支箭衝上去，遞左一包紙巾比啊Best Friend！
家敏既性格雖然係好open同casual，一齊玩唔分男女果種！不過好似又唔係咁簡單喎！
拿拿拿~ 精明既我呢個時候假裝若無其事 >> ，輕鬆咁打下招呼，閒聊幾句無關痛癢既事~
不過我再用細膩既眼角望到，家敏堅持幫佢拎外套 ？

借完佢張學生證之後，我地就各散東面，我同家敏回家幫佢扮靚！
呢一日就咁過左，但係，我feel到一種莫明奇妙既親切感同熟悉感！








翌日我望到FaceBook上面既相片！



家敏未來既另一半！仲唔係你！

除左好多合照外，連其它大合照都總有佢不經意既身影係家敏身邊左右徘徊。
重點既係，呢個果仔冇主動搵過其它女仔影過相！只有好多女仔主動搵佢影相！
真係愈黎愈神秘……

算啦！等我講明D啦~
其實就係本黎佢地兩個由一開學就被編排一齊坐，要一齊面對公開試經歷過好多野~
坐埋一齊支持大家，咩都會同佢傾，有少少好感，但on直既家敏就真係冇諗過拍拖果D野，
兩個專心忙於公開考，直到考完所有既科目，到Graduation Dinner呢一日，愛苗先慢慢萌芽 ~

當中有好多美妙既野我都講唔晒~
不過自從Gradin果晚之後我就打比家敏，同佢一齊經歷呢D愛情暗湧既時刻，
直到6月19號佢地正式係埋一齊！

家敏呢個傻婆由於專心應付公開考，原來真係唔由我呢個多心既家姐提提佢，佢係真係好遲鈍架！
反而人地就真係積極地一步步前進！






當佢地一齊左之後，
呢個過於興奮既家姐係facebook send左一個都有少少嚇人既message比呢個男仔。
其實我都係想以家人既身份去支持下佢地，
因為我知道一段認真既愛情係好需要家人既認同與支持，雖然我可能做得唔夠好~


(個男仔既花名叫 你老味)

你老味！恭喜晒呀你呀！好開心呀！其實由我毫不知情既情況下，連你地係best
friend都唔知，
借你張學生證果日，果日係我第一次真正接觸你，唔知點解對你有種好親近既感覺！
一眼就知你係個好男人！直到你地grad
din相，真係好襯呀，唔止係外形長相，
而係內在既性格感覺我都覺得好襯！我其實係一個對家敏幾嚴同埋對感情好認真既家姐黎，
唔會立亂讚人或者支持人，不過今次真係睇到你地有料到，有夫妻相！加油呀李xx！

雖然對你既了解唔多，不過我睇得到你係一個好男人，敢愛，懂珍惜，對感情認真！
我有冇講多呢？拿，講多講少你再話我知啦~
聽家敏講，你係一個著重家庭觀念既人，
拍拖既目標係為左建立家庭，對吧？如果你將家敏視為人生一直走落去既女人，
家敏視你為終生伴侶，咁我地就係一家人架啦~

希望我第一次就同你講D咁既野唔好嚇親你啦~
其實我係一個好open既人黎架！我都係一個過來人，
同肥傑拍左5年拖，我只係想話你聲你知，我支持你地，想鼓勵你地，同埋讚賞你既勇氣~

我覺得家敏遇到你真係好幸運！當然家敏都係一個好女仔~ 你地慢慢黎唔洗急架~
遲下你地ready好我地一齊約出黎玩！

大家努力！

之後佢地去左Macau 一日遊~

種感覺好得意~ 見到自己細妹同一個男仔咁親密~

跟住出席同學既farewell!

佢地係咪幾似樣呢？

真心祝福完呢段新戀情之後，就係放手、平常心由得佢地兩個去經歷之後既一切~

麗