12-2-2012
Amazing dinner of Valentine's Day.
我地相約係中環地鐵站等。
一決反傳統的我手上面拎住一束小小的鮮花，
以及一個好大好大的運動袋，比肥傑一個小驚喜。
原來都幾緊張的！
呢束小小的鮮花可以話係獨一無二 ~ 點解？
咁又唔係因為自己種~
而係因為花同埋花紙都係由自己配搭，親手包一束屬於我地自己的小花~
我諗呢小小既心意比起就咁用一舊錢買一束店主幫你襯好既花，黎得有意思得多 ~
我討厭做一個等待「接受」既女人，如果係想大家過得簡單又開心既，
又如果你既想象力係比對方豐富既，點解唔試下自己去做？
對於傳統男女相處既觀念我覺得沉悶又沒趣，
公主一樣可以騎住白馬去搵王子。
我真心感覺到施比受，真的更有福！~
呢個時候，又一框框被打破了，
係香港呢個狹窄既小圈子裡，活得更為輕鬆自在。
地鐵站裡，我係電話叫肥傑合埋眼，直到我行到去佢身邊先張開眼睛。
哈哈哈哈！佢既反應完全同一個女仔無異：「下~ 送比我架~ 」
笑得好開心，又有少少怕醜 ~ 我都一樣好開心 ~
呢一日，我一直都好好奇肥傑到底約我去中環食咩？
跟住佢穿過陌生的大街小巷，走上一條讓人喘氣的斜路，
左觀右望，再步入一條漆黑不起眼的小巷，到達了！
原來係一間別緻又充滿特色既東歐餐廳！
食真正既俄羅斯 & 烏克蘭菜~
其實一入到去見到餐廳精心既裝橫，昏暗既環境，
來自俄羅斯及烏克蘭既女侍應，已經好鐘意呢個地方。
肥傑仲同我講，話呢間餐廳既廚師全部都係由當地請過黎 ~
真係聽落都感覺到風土人情全部原汁原味！
一邊聽住電視播放既俄羅斯節目，一邊欣賞牆上既壁畫 ~ 一邊品嘗美食 ~
Homemade Bread & special tableware
Zimniy Salad (A favorite Russian salad) sooooo fresh and delicious!!
White Russian (Vodka, Kahlua, cream) thats Ricky's drink~
肥傑同我都好鐘意既Coconut Beer ~
侍應從旁倒入杯時我已經聞到誘人既Coconut flavor ~
Svinya Po Ukrainski (Ukrainian style baked leg of pork)
好清香既蔬菜湯底配上又香又林既烏克蘭豬腿 ~
Nojki Baranyie (Succulent lamb shoulder stew w/ vegetables)
好想再食多一次 ~
其實真係好想食埋甜品 ~ 不過真係飽到不得了!
最後請餐廳老闆幫我地影左一張合照 ~
主動請女侍應合照一幅 ~
食得咁開心，每一個地方都唔想錯過 ~
餐廳門口 ~
原來有好多名人明星黎過，周彗敏、古天樂、吳鎮宇、謝偉俊、李蘊…
麗
沒有留言:
發佈留言