湖北大冶的兩天

31 to 1-1-2012

由第一日到達金牛之後，住係大冶既大姨媽就一直係金牛陪住我地，照顧我地。
旅程既最後兩日，我地更加去去到大姨媽既屋企留宿，感受佢無微不至既照料。

姨媽既屋企真係好整齊好乾淨，呢兩日一夜住得非常舒服，
反而幾日無沖涼洗頭既我地真係訓得唔好意思呢。


姨媽係一個好細心體貼同慳儉既女人，不過佢硬塞了二千人民比我同肥傑，
語重心詳話：將來你地可能結婚，我唔知道自己黎唔黎得到…
我地兩個一方面好開心感情上得親人既認同同祝福，
另一方面就係體會過佢地既生活之後，呢二千蚊簡直就係天文數字，
我地個心真係好唔舒服，但又好感動，酸溜溜的。
呢種感覺係城市裡面已經唔知幾多年冇感受過，
呢種關心，呢種愛，好真、好直接、好簡單。

我地當然想盡辦法拒絕，不過姨媽態度更鐵定，
話：將來我黎到香港參加你地既婚禮，你地晒包洗費吧。
大姨媽，我真係好想你可以黎到，好想令到你可以過開心既生活。

左邊第一果個就大姨媽 ~
成日都話自己醜死，怕影相，但係我地覺得姨媽好靚，好賢淑~

跟住下面都係我地係大冶市生活既所見所聞。
我地好似大鄉里咁，咩都未見過，咩都影一餐。



好恐怖既一套戲，仲要全日循環上映唔清場。

之後我地食街邊既小食 ~

神農架野栗超級超級好食！

好好食既滷肉卷！

瘋狂買書 ~

後黎大姨丈帶我地去一間書店再掃書！

得到姨長既議價之後，真係買得又平又開心！

幾多收獲！令冬天既行李箱重到冇得再重！

跨越左肥傑既生日。去到大冶市終於見到有蛋糕！

第二日我地去東方山。暈車暈到傻，居然一聞橘皮就冇事。
好搞笑呀，成個阿婆咁呀！冇晒形象，仲要比人偷影！

呢座係一座非常高既山，山上面好清幽，有好多寺廟。

拜會完之後行路落山。比起香港既山高好多。

喜歡鄉郊既感覺 ~

呢張相係完全冇加effect！路邊既黑葉係被路上車輛揚起沙塵造成的。

已經下午兩點都仲未食lunch，家敏係車上面流露出徬惶無助既眼神。

粗心既二姨媽居然叫左一枱湖南菜，辣到我地傻，仲要鬧個侍應話點解廚師煮到咁辣 orz
我地個個都餓到不得了，辣到癲都狂食，不過真係好好味的 ~
你睇我辣到成個頭都紅晒，個咀腫到比人笑。

等我扮孖潤腸先。

之後去行超市，好搞笑，真旺仔隔黎就有一包假既旺仔。

之後去左湛月湖度行下 ~

大姨媽屋企樓下

好多人咁樣掛D肉出黎風乾。

咁就完左我地10日既旅程，真係好累呢 ~



                                                                                                                                                   麗