真。魚仔

 

16-3-2011

肥傑今日突然「經血來潮」，想做一個充滿愛心同有責任心既「金魚佬」，於是我地行左幾粒鐘，買齊所有野同六條孔雀魚做「馬前卒」，先用黎養水同養菌，哈哈！第一晚，就死左一條(肥傑自我安慰話：好成功)。比較特別既係，有一條魚仔個肚度係痴住左一粒魚BB，我地估計係連體魚，因為果粒無生命跡象既魚BB係有發育過。然而最慘既係，新魚缸霸地盤，佢不斷比其他魚追咬肚下既既BB，反應雖然敏捷，但係都身受輕傷，唔知最後呢五條魚仔入面，邊條可以生環呢。

 

 

 

 

17-3-2011

今日我地又行多五個鐘，購買砂石及水草佈置魚缸，再購入十六條既四白BB，條條都手指尾頭咁細，仲買左一條金點琵琶同兩隻好過癮既BB鮑象螺，同魚缸入面既潢裝相襯，充滿河流既感覺。一缸共二十條魚，出奇地大家都相處得好融洽。

( 當晚比肥傑媽咪笑住話肥傑「新屎坑睇你香多幾多日」，然後拎起袋鮑魚螺話：「買呢D做乜呀!」果時果兩隻鮑魚螺先好辛苦咁反轉啜到個膠袋，搞到我好緊張，哈哈哈哈！我地已經冇買龍蝦仔、水晶蝦、烏龜同青蛙架啦 @v@" 其實我地貪得意得黎係好認真架~ )

每日，我同肥傑都會呆望魚缸共一個鐘 Orz

金點琵琶

鮑魚螺BB呀，佢地轉彎既時候好過癮~
鮑魚仔話：「主人！下次你都係買個圓形既魚缸啦~」

上面既魚缸，我地真係花左幾擔心機落去，不過最後全部都死晒！
到底係點解呢？！真係一個好高深既學問呀！！！






我地繼續再試唔同既方法，除左紫外線燈之外咩都有齊，
有除氯水、醫白點病既藍藥水 同 硝化細菌。

本黎有兩條波子魚，死剩一條生存左3個星期，
呢一日我地一買多5條番黎，諗住應該ok啦，仲簡簡單單買D波子番黎放底 ~

妖！過左幾日極速死剩2條！落藥落到成個缸都變成藍色！好洩氣呀 …
真係好鬼死難養呀！

 

                                                                                                                     麗