接近一年的日子，因為拉尼娜現象，過了一個好長好長的冬季
夏季既感覺忽遠忽近，不過只要可以有兩三日真真正正既澳洲陽光就夠啦 ~
今日係「告別澳洲之旅」既開幕，其實亦算不上係咩野大旅行，
只係逗留係Melbourne呢度，周圍行行逛逛 ~
或許爸爸明白我的不甘心，寄一點錢過來讓我四處出走散散心，
一方面很不甘心一切心願未完成前要無奈離開，
一方面爭扎著好唔好用父母辛苦既錢去玩。
最後係爸爸既鼓勵下，決定Plan去一個我想去好耐既Cairns。
不過最後個天幫我決定左，面臨呢個歷史性既大水災，暴雨連連，
我相信當地人心情應該唔會好得去邊，人人擔心緊自己既家園時，
日日留意新聞，Victoria都浸得唔輕，自己仲平平安安，已經好好彩了。
希望唔好再有更多既水災了，真係好心痛。
過去一年發生左好多野，可以用一個字黎形容，就係「捱」字。
「捱」並不可怕，是好是懷也好，最怕係捱不出結果。
我係一個未到最後一刻都唔會放棄既人。
或者此時此刻我心情仍然未完全接受得了吧，我總會放得開。
「拎得起，放得低」，他日才可捲土重來！
新的一年亦已經發生左唔少事，總之唔諗咁多，淨係諗依一刻都夠。
天氣預告報告未來呢幾日都唔錯，係Melbourne都一樣可以玩得好開心好難忘。
就黎要離開呢個我所愛既地方了，要好好達成可實現既願望，
記住每個開心既時刻！
今日天氣唔錯吧 ~
我地出去Box Hill既澳之旅報左一個day tour，
唯一一個tour成團，咁岩係做我地想做既野，
星期四出發，又好彩地果日係晴天。
冇咩期望，只希望一切如常地進行，順順利利。
然後去左Box Hill Garden，原來幾靚架bor ~
個feel好澳洲呀 ~ 如果可以係咁既background之下同一群牛羊影相就今生無悔啦 ~
( 仲話冇咩期望??! )
呢幾張相真係好靚呀 ~
呢個湖有好多一點點既生物，好似蟲 ~O~"
我：不如你做一個大自然D既動作丫~
肥傑做左呢個動作 ~
我：下？！
肥傑：咁唔大自然咩？
哈哈 ~
有好多好大隻既蜻蜓係度交配 ~
今次真係好大自然呀 ~
留影 ~
心情輕鬆愉快地坐車去Sofia Dinner途中。
見到Deakin，決定落車影幾張相，唔影就冇機會架啦 ~
呢度係肥傑第一年既校舍 ~
係咪好太空feel ~
莊麗既日落雲層 ~
肥傑後黎主要上堂既lecture theater ~
呢個回憶我都有少少份架 ~ 就係溫習既library ~
科幻建築 ^^"
Sofia lu ~
呢間野好好feel架 ~ 係一間Family restaurant ~
份量非常大，黎3次3次都要打包 ~
今次兩個人居然叫左一jar既mango smoothies！
好好飲，但飲到傻 ~ Smoke salmon gourment pizza好正 ~ 香噴噴
意粉黎黎去去都係咁 ~
飲勝 ~
麗
沒有留言:
發佈留言