City 行街 X 今日買左單車

Weekend啦 ~ 又可以出City行下，散下心，影下相 ^^
今日天氣非常好呀，心情輕鬆開朗。

中間分界既形象，正式開始。
不過出到去比風吹幾吹，唔夠中間 ~

古老教堂、英式車站既屋頂融入摩登大樓中，別有一番味道。

一向好多街頭表演，自從初黎時心頭軟、新鮮野、易受吸引時比過欣賞錢，
到依加一路都冇再比呢D表演吸引到。

今次路過見一大堆人圍住，好奇之下突個頭去望一望
哈哈 ~ 呢三隻貴婦狗好鬼有人性呀，真係完全聽得明主人既說話，
仲會識係冇命令既情況下自動跟劇情做戲。

已經近乎變成兩腳站立既動物啦 ~

呢隻用前腳 ~

佢扮死扮得超過癮，引來全場笑聲掌聲 ~

好肥呀何，不過呢張相好自然呀 ~

Melbourne最近周圍都有呢D單車出租 ~

唔知你地有冇睇世界杯呢？
我為左易D融入人羣，今年破天荒第一次追睇。
原來你睇左一兩場之後開始睇下新聞、資料，然後再用自己common sense去分析，
睇波係好正架！

因為佢要影相，我成日都行得快過佢，哈哈~
我好鐘意鬼婆個頭。

今日我地試左呢間日本野，成日行過見佢鋪仔細細，枱櫈迷你，
感覺好日本，點知一落order同你講國語，嚇到肥傑眼都突晒。
應該台灣人開的，份量好大，不過唔係咁好味。

不過話時話，真係未見過日本人係呢度落地生根，連留學都唔多。
我之前識左兩個日本女仔，佢地成日都會強調話日本人好愛自己國家。

 

食完Lunch，行晒街街之後，我地就去睇單車啦 ~

其實已經考慮左好耐好耐了，好彩地番工、學校、同住既地方幾近，
行路大約半個鐘，視巡過路面情況、計過晒資金同車費之後，決定踩單車番學！

今日終於買左架單車代步啦，好靚既紫色呀。係BigW果度買齊晒所有野，
單車、頭盔、單車鎖、泵，加埋安裝service都係$157.50AUD，姐係$1100港紙左右。
以後番學可以踩單車啦(不過我唔敢踩出馬路)，每個月慳$86.00AUD車費，
姐係$600港紙左右，最緊要可以慳時間！
都幾多斜路，遲下夏天好曬，我諗我會變成大隻麗呢~

期待不久的將來可以單車變摩托，摩托變四輪，四輪變艇仔。

          


                                                                                                                       麗