萬宜水庫行山日 (with Video)

今日我地幾個黎行萬宜水庫 ~
一時晴天，一時多雲。
不過到最後都估唔到，個個都曬到甩皮，今次仲要係面！


行到好累，不過好開心 ~

我地行落去一個位度大嗌，發現聲音去到好遠既地方會反彈，有回音。
幾個人係空曠無人既郊外度放肆大嗌，好舒暢呀！

係Video入面個回音record得唔夠清楚 ~ 其實好過癮架 ~

風景真係一流 ~

肥傑熱到除衫，以一個更新更令人震驚既形態出現！

大肚腩 ~

終於到啦 ~ 不過到左又陰陰地天！

行呢條極長既梯！

畏高既我成功行完啦 ~

然後攀山涉水，去上次我地未去過既洞穴。

呢個姿勢令到條腿咁長既 ~

又一次坐係度野餐 ~~

放晴 ~ 然後坐的士出番去西貢市中心 ~

跟住我同肥傑去荷李活度行下，晚上再去新蒲崗同佢既中學同學食飯 ~

比人幫我地影張合照，果個人原來平時幫人影開婚紗相，
跟住就叫我地擺呢個姿勢。哇哈哈哈！好老土呀！不過種感覺幾得意 ~

 

                                                                                                                      麗

新春古兜溫泉之旅 (with Videos)

到左香港休息左一日之後，第二日就立即起程去內地新春旅行 ~
今次係肥傑同埋我地一定人去 ~

我個衣著真係不得了  咁先似上大陸架ma
係澳洲掉晒D冬天衫，番到黎唯有亂黎，著得暖就算 ~


阿爸同我玩滑梯 ~

我地係自己果間別墅門口影一張合照 ~

夜晚食完晚飯之後，我地就去浸溫泉。
天氣凍去浸四十幾度既溫泉真係好正 ~ 將呢幾日既疲勞都消除 ~
跟住食一蚊一串既串燒

然後係酒店房等訂左既雞 ~
肥傑幫我地拆雞中。

哇哈哈哈！我地行緊去買煙花呀！

然後行去橋邊玩煙火 ~ 好耐冇玩過啦 ~


兩姊妹的煙花仔

最正既係咁岩踏入大年初一，酒店放左勁多個勁野 ~
我地買小煙花有大煙花既收獲 ~ 嗌到我地喉嚨沙！

幾開心 ~

哎呀，我唔得啦！放個屁先 ！

第二日去左呢個地方，係之前有個被滅朝既皇帝係呢度投江自盡，
當時呢個年紀好細既皇帝跳左落去之後，
其它兩萬既手下及平民都跟住投江自盡，非常之悲壯！

然後繼續去其它地方參觀，不過全部都係博物館居多，
我同家敏係空地玩捉依因。

第二晚去香格里拉，雖然幾靚，不過張被太厚，熱到我地成晚都訓唔到!

好正既一餐！

第三日去食燒雞同燒乳鴿 ~

最後一個景點 ~

|

得阿爸一個咁好精力行上去 ~

|

                                                                                                                           

                                                                                                                       麗

Arriving to HK

今晚要離開澳洲lu，變態地，我地既手提行李超幾倍，
入去過海關時比人check到 (當然啦!)，天呀，點樣先可以變到每人7kg呀。
結果，掉左一個行李箱，入面有我最唔捨得掉既學習notes。
連胸團睡衣乜都掉，跟住再膽粗粗超10幾kg去過，
點知今次冇人Check，好彩肥傑最後叫我唔好掉Harry Potter果兩本書咋。

今次既回歸，真係掉左好多有用既野，
另外仲用左2千幾港紙船運行李番黎。



呵呵，入到去啦我地 ~ 慳錢呀，吉隆坡轉機。第一次坐馬航。
Melbourne機場內 ~

你睇我地D "Hand Carry"行李 ~ 每個都塞到爆晒，連手提電腦袋都唔放過。

等登機等左大半個鐘 ~

飲啤酒 @o@

我發覺原來坐飛機飲啤酒係可以幫助腸胃郁動，
Gur左幾啖氣之後我舒服好多 ~ 冇乜暈機。


到左吉隆坡了，食左一餐極唔地道既三文治餐 ~

要等3個鐘呀大佬。累到形容唔到

終於上機啦 ~ 空中少爺見人少請我地食迷你雪條。
飛機野食咩都迷你，好鬼死得意 ~

唔知邊度既天空 ~

香港既天空 ~

(番左香港足足成個星期都仍然係無敵晴天，
最特別既係，天空又藍又冇雲，同澳洲有得比，不過依加又好耐冇藍天了。)

拎行李。嗚… 番到香港啦 …

坐左13個鐘飛機，中間又等左幾個鐘，
向來暈機既我居然可以企係度影相，有講有笑食得落，真係一個奇景呀 ~

新既開始 ~ 努力向前 ~

         

                                                                                                                 麗