第一次遇落雹。Hailstorm strikes Melbourne (With Video)

呢粒已經唔係最大，仲要溶到圓滑左呢~

下午三點幾既時候，我同傑仲玩緊電腦，突然間間屋好嘈，就立即望出窗。
哇！個天一瞬間黑到好似半夜咁，我知唔對路啦，九秒九好驚咁跑去拉窗簾
就係呢一刻，彭！彭！彭！大大粒既冰雹好似瀑布咁沿屋簷彈落花園。

唉，落完雨之後，好多蜈蚣仔爬入房呀！
就算噴殺蟲水，用報紙攝門邊再用大膠紙封門同窗邊，都仲入到黎。
呢個問題困擾左我地幾晚，晚晚都要守蟲守到三、四點。

呢晚，第一批就發現9條啦！

窗外面直情有幾十條既屍體tim呀！

加加埋埋直到今日14號，爬入房既應該差唔多40條！

                                                                                                                  麗

玩狗日。大雪橇狗 Hero & 小北極熊Cici！(With Video)

Thomas果間屋真係變得愈黎愈熱鬧，繼兔仔之後
Ben同佢女朋友買多左隻唔知叫咩既狗，白雪雪成隻小北極熊咁，好過癮。

咁都未夠正，琴晚睇Facebook，仲多左隻超大既雪橇黎寄宿幾日tim！
哇，我一聽到就頂唔順，第二日即刻起程再去Thomas屋企。

你地睇下~ 佢真係好大隻架，你地估下佢幾多歲？
九個月大咋！睇落又兇又型又大隻，原來仲係小朋友黎架咋！
睇佢毛色同身型，似係混左少少狼狗。

初見面既時候真係比佢賴到我成個面同頭都濕晒，好熱情呀佢~ 佢淨係賴我咋。
佢企起身要撲我時我真係企唔穩，成個撞左落牆，搞到擦到個手臂流血。

帶住你出街真係好有安全感！

但係我完全唔夠力拖你喎！

跟住到Cici~
佢都係係咁賴我~

傑佢拿手唔成勢呀，好似師奶湊仔~

個樣好似大笑緊咁~

幾大隻！

相比之下，脆弱的小兔仔。

 

兔仔，我之前研究過不少資料

但經過今日之後，我同傑都有一個共同既答案，就係一定會養狗！
仲要係大狗唔係細狗！
因為大狗真係好懂事！

                                                                                                                        麗

Chadstone

好靚既shopping mall, 不過岩行既地方就唔係太多 ~

好味既雪糕店 ~

下面呢度係新擴建架，我地上年黎時都未開。
所有名店都集中係果度呢。

 

                                                                                                                      麗

St Kilda Festival x 情人節 x 新年。難忘St Kilda

而係澳洲情人節既氣氛就好濃厚 ~
周圍都洋溢住好甜蜜溫馨、好開心既氣氛
我地係City影左一陣相之後，就去St Kilda參加St Kilda Festival~

嘩!一落車氣氛超正，勁多澳洲人 ~
所有餐廳、Bar、酒店同埋街上都擠滿晒人，開行晒音樂，
跳舞既跳舞，狂歡既狂歡，仲有好多Street Performance同活動 ~
有人打鼓、夾Band、唱歌，好快唔洗5分鐘我地已經俾個氣氛感染到，融入當中~


你睇呢個o靚仔，淨係電個頭，著件白Tee，人仔細細就已經入型入格~
佢飲水既時候，真係迷到我呢

St Kilda本身已經有Luna Park架啦，估唔到因為St Kilda Festival仲多左game玩~
D game都好刺激，見到每個人都好玩得好high，攬埋一齊唱歌跳舞 ~

我地都唔執輸呀，走左去玩個Sky Flyer，比海洋公園個個高好多，仲轉得快好多
係上面轉左2個圈就已經想嘔啦 ~不過好正好開心，係咁嗌!

然後我地就經過左個掟公仔既Counter，有個鬼佬係咁揮手叫我地埋去
佢見我手上面有束玫瑰，就同我玩交易，話自己唔記得買花俾女友
俾一支玫瑰佢就可以俾我免費玩一次，輸贏都可以揀1隻公仔 ~
我話"Really!? Where's your girlfriend?"，佢話"She's there! Selling the ticket! "
初頭我都唔應承架，以為佢玩我，但見佢又好似好認真咁，就信佢一次 ~

結果我地真係用一支玫瑰換左隻Nemo返黎，
仲同佢女友講左句 "Happy Valentine's Day"

跟住行左兩步，又有個鬼佬係同一個Counter問可唔可以交換支玫瑰，
今次係唔記得買玫瑰俾老婆，俾5個波我地，只要掟中3個就可以任揀全場1隻公仔
雖然差1個掟唔中，不過都好開心呀，佢地好Nice ~好好傾，大家都互相祝福
呢種咁Causal咁開心既文化真係外國先有，好Enjoy呀!!! ~

跟住我地沿路行去沙灘既時候，
d澳洲人只要見到你影相就會好好人咁問洗唔洗幫你影 ~
就係呢張啦 ~ 個View好靚呀 ~

又同你傾計 ~又問你隻Nemo係邊度贏返黎，
大家一齊有講有笑，傾到好開心，於是我就問佢地問佢地一齊影張相啦 ~
外國人就係就算唔識既叫一齊影相都會好樂意 ~

佢地叫自己做Crazy Aussie ~
就係咁，我地就留下左呢美好既一刻 ~

成晚都遇左好多次咁樣既情況，全部都好Nice同Friendly ~
幫你影相啦，講下笑啦，玩下攬下咁 ~ 又讚傑Nice guy同romantic
又會問下Where do you come from，仲同你講Have fun here!
真係完全唔似香港人自顧自玩又無禮貌又唔同人打招呼 ~
呢度種感覺簡單輕鬆同開心好多，鬼佬真係唔會諗咁多野、介懷咁多野
大家唔識，互相傾計，祝福對方， 一齊玩係一種好平常既事。

原來人與人之間有交流，真係會開心好多架 ~





然後我地去Beach Comber個露天餐廳度食dinner，好豐富既一餐呀~
我地第二次黎啦 ~
呢度d海鮮真係超好食，而且氣氛又好、風景又好，食得好開心

我去左Toilet之後，又有5個鬼仔問傑可唔可以賣一支玫瑰俾佢地，AUD$6一支!!
不過傑諗左一陣，覺得8支玫瑰好意頭，所以就拒絕左，但係$6一支真係超好賺!!!!!
點解真係可以咁多人唔記得左今日係情人節既!?
唔通大部分人都focus左落 St Kilda Festival?!

除左呢d好開心既事之外，我地仲第一次親身去到d外國人既Concert!
一大隊band仲有個鬼婆係上面唱歌，幾百人係台下un、跳舞、舉手、大嗌、拋 人...
種氣氛真係好開心、好正，我地去到都係度大叫同跳舞，
個鬼婆仲無啦啦high到講粗口"Come on shit me! + 好多個fuck"
全場d人一聽到都係度狂嗌 ~

一樣d人都係同你傾計，主動話幫你影相
好鐘意外國呢種好Causal既文化，無框框、無束縛
人與人之間好有交流，唔會你玩你我玩我咁樣，大家都好close，一齊開心 ~
果種感覺係唔同架，唔會用曳黎形容，而係大家好開心、好盡興咁樣去玩 ~

佢好nice呀~ 同我傾左好多計，同我錫面 (鬼佬招呼)
種感覺好親切呀~~

走Lu ~

外國既警察…係騎馬架！ 好型呀~ 仲可以摸佢tim~

呢晚過左一晚好local既節日呀 ~
第一次親身感受到外國人個種節日氣氛，真係好難忘!
過左一個好特別既St Kilda Festival x Valentine's day x Chinese New Year!!!!



Open to Everything，You will be impressed with the beauty of Australia!!!




                                                                                                                        麗