The 4th gathering

今日朝早去完沙灘，跟住就去搵肥傑個friend剪頭髮lu。
晚上就同朋友食飯，順便同美子慶生。

番左兩個禮拜工，好忙，少左好多時間周圍去啦 ~
唔講咁多啦，睇相 ~

 

                                                                                                                 麗

石澳

天氣好，又係時候去沙灘 ~
好耐冇黎石澳啦 ~ 呢度人超多，氣氛一流 ~

我地租左兩舊野黎玩 ~

第一次玩呢個，好開心 ~

我有D暈船浪 。

到肥傑！

睇得出佢怕水呀呢 ~

到佢自己一個人玩時仲好笑，十足十「林煒傑荒島求生記 第一集」咁！

我果截肚腩真係極其大！

好靚既天氣呀真係 ~

呢位小朋友連帶住水泡都驚 @@

玩到好累 ~ 呢日熱到爆炸

次次查PA+++都仲黑到咁 ~
條腰係個角度影到咁架咋！因為我本身背睇唔肥，但係打則 ​就好厚肉。
真實完全唔係咁，肥到豬咁，真係絕食10日都冇咁瘦 ~

 

                                                                                                                     麗

 

2011年動漫展

 

今年動漫展好開心呀！足足玩左成3個鐘！
我見到一批暗部同好高既 ​宇智波斑，仲有路飛所有船員！
不過行得好快影唔切相 ~ 收獲豐富！同埋有一個好Nice既日本男人扮路飛！

One Piece有好多好多勁靚既figure賣呀！肥傑好想買囉！好 ​開心呀！

 

 

超得意既梅利號同埋千陽號！

點解佢地可以變成咁既 @@

有人cosplay布魯克 ~

 

One Piece既figures真係超級靚 ~~

我地見到每一個角色都非常開心 ~

好有殺氣既索隆！

家敏都鐘意One Piece ~

有個位影相 ~ 路飛既橡膠巨人之槍！

我既戰利品呀！好開心 ~
個杯得番最後一個！！！

買左一隻迷你千陽號 ~

番到屋企之後，肥傑依加播住BonVoyage ~
拎住隻迷你既千陽號係床上面一條藍色底褲上面航行！哈哈哈哈！
自言自語左好多劇情，話咩：「開風來炮，呼！」「拿！依 ​加好大浪。」
「有海王類！跟住路飛出拳，索隆斬左D野， ​山治踢爆左D野！」…

好靚既Poster ~~~
不過少左一個船員。

得$50蚊既Chopper

我地當日著住既T-shirt ~

 

                                                                                                                              麗

                     

                   

4th Anniversity

( 條裙又著得幾瘦喎，將我D肥肉修得好好 )

成個月前又清清楚楚記得呢日既黎臨 ~~ 仲話要點要點 ~
哈哈！到呢日真係到時，又完全唔記得左  
所以收到禮物真係好開心，好心情去第二日全日 ~

呢晚我放工，肥傑主動話要黎接我放工，
不過我都覺得好平常。
但係見到佢帶左con又著得好整齊 (平時係帶cap帽，滿面鬚根同人字拖 ~ )
不過我都以為好平常。
跟住去食譚仔，佢鼻水流到出黎叫我去相機袋拎紙巾比佢，
當時覺得做咩帶埋相機出黎，諗諗下唔對路先諗下今日咩特別日子呀大佬。
哦 ~原來係咁！

哈哈 ~
跟住食完行番屋企，心諗呢條友仔都一定唔會有禮物架啦 ~
咪伸手去拖手既時候整估下佢，話：呢個唔係拖手呀 ~ 係要禮物！
點知佢就話：好啦，比你啦。

果一刻我真係好開心 ~
因為咁耐以黎肥傑好少好少咁架 ~ 真係少得幾隻手指就數得晒 ~ 
(雖然我成日都講佢，佢係果種每一日都好平常既人黎架)
不過我都學識左凡事平常心，所以先快樂 ~ 
你話我無求，我又唔係真係無求，只可以話平常心地期待，
有就開心，冇就冇所謂。繼續學習平常心 ~
其實女仔有時候真係唔可以完全怪男仔唔浪漫架。
(可能呢句只係適用於我既身上)

 

就係一對天鵝啦 ~

 

                                                                                                           麗