姨姨。大棠郊野公園BBQ

臨去澳洲之前呢，約左阿姨、涓涓同姨丈去大棠燒烤~
我地行錯路，同左幾隻馬影相~

我叫家敏行近d，家敏大聲回答:「已經好近啦~」

幾經辛苦終於到左燒烤場, 阿姨佢地已經燒好左d野食~
瘋狂醫肚先~

佢話要影佢wo~ 笑到佢幾燦爛~

三姊妹 ~

                                                                                                                   麗          
       

我要走啦~

大家好

同所有既朋友講聲，我要走啦~ 已決定好今個月30號飛去澳洲，展開我另一段新生活。今次既心情唔知點解比上次緊張興奮，大概係因為手頭上得幾萬銀，往後靠自己半工讀兼賺取生活費吧，呢一次既決定，真係諗起都刺激 (汗^^”)。

會去幾耐？幾時番黎？我唔知道。我只買了單程既機票，可能幾年、可能一世… 原本我以為可以兩袖清風，瀟瀟灑灑咁過去，但我發現人真係「處處留情」。的確，我有放唔低既野，有捨不得既人…

係呢度，我好想好想邀請所有中小學既朋友，30號之前抽空出黎聚一聚，傾傾計，談談近況。雖然我輕輕的來，但我還是想帶走一片雲彩。

P.S. 張相係我同Ricky早兩日去萬宜水庫行山影的，攝於10公里既路程後。
走過艱辛的路，看見如斯潔淨壯麗的風景，身心都舒暢吧~



                                                                                                                    麗

Copy From My Facebook



尼篇野, 我12號係facebook度公佈
意料之外地得到好多朋友既回覆
佢地每一個既鼓勵同祝福
都俾左好多正能量我
好開心~ 多謝佢地~

萬宜水庫東霸!

呢日我地一早起身係西貢ABC茶餐廳食完早餐之後
就起程去萬宜水庫行山lu!

首先我地行錯路去左個好靚既湖度 有3層顏色 仲有人影婚紗相ar~
有個好得意既小洋妞 係咁主動同我傾計 拖住我隻手 仲話要我去佢新屋tim~
同可愛既小妹妹擾攘完一輪之後 先去返麥里浩徑第一段起點開始行
下面個d相其實已經係行左幾個鐘之後架啦
仲有好多好多靚相都唔夠位放上黎 >____<


「風景絕佳，旅途上我們更有點驚訝自己是否身處香港。
清澈湛藍的水庫配上廣闊無邊的晴天，到達水霸時更是雄偉壯麗。
因為愛攝影的原故，要趕路，10公里後我們才第一次休息呢。」
                                                                  some words are copy from my facebook

中午開始放晴啦~

我地係D Rocks度發現左條好直的梯，我地小心翼翼咁行落去~ 好清呀~

海天一色~ 影張相先

個天愈黎愈藍~

行到4p.m.，終於到啦~
呢個藍色既水壩碑係紀念當年為興建水壩而犧牲的工人。感謝他們。

你地知道，對面就係太平洋嗎~

攝於10公里既路程後。走過艱辛的路

看見如斯潔淨壯麗的風景，身心都舒暢吧~

真係忘卻疲倦!
我地大家都好開心~

我地再沿路行落去水壩~
身旁為一大片六角柱石~

我地坐係水壩上下午茶~
凌空的吊著雙腿，心裡有著離心的感覺同時，
在這柔和的午後吃著自家準備的香蕉蛋糕和清蛋糕，
望著前方壯麗的景色，真的非常難忘~

雖然開始日落了，不過我地仍然決定去埋浪茄灣~
哇! 估唔到一去第二段真係難行好多，急斜架。
行左1個鐘之後，終於到了!
6點鐘趕係天黑前番番去東壩。
點知上到高處，比我地見到咁靚既景色~
日落lu~ 好靚~ 估唔到香港都會咁~

呵呵呵呵，出番西貢~ 梗係食海鮮啦~
兩個人叫唔到送，所以我地食咩咩咩溫馨二人餐。
椒鹽炸魷魚~芝士焗中蝦伊面~薑蔥炒蟹 x 2隻~蒜蓉粉絲蒸扇貝 x 2隻~

多人叫送去魚棚即秤會食得正D~
雖然二人餐D海鮮細D，但係真係好鮮甜，同平時街市食果D差好遠~

                                                                                                                      麗

Successful Banana Cake!

Delicious cakes for Tomorrow's Hiking!

                                                                                                                    Lai

Cutie Butter Cookies

I had made some butter cookies before~ Haha~

                                                                                                               Lai

一對雙腳伴你可漫遊

今日我地3點出門口，陪傑剪頭髮 ~

因為平時幫佢剪頭髮果個朋友升左Lv，$288

我地又要為去澳洲而做準備，所以就求其去左間Salon度剪

點知…核突到咁 佢好唔開心呀，係咁照鏡、整個頭

有冇留意到我都剪左頭髮呢 ~
大大話話都幾寸架! 忍住痛咁比傑幫我剪




跟住我地去又一城溜冰 ~

由4點溜到7點半，大家都進步左 ~

然後我地決定由九龍塘行路去九龍城
問左兩個人路，佢地都話太遠啦，搭的士啦
但係我地好享受用雙腳行路、探路到目的地既感覺 ~
人地話幾遠，我地當然唔在乎 ~

於是我地用左近一個鐘既時間，終於行到去九龍城 ~

好喜歡用呢一雙腳伴你到處漫遊 ~
我地曾經用雙腳走遍澳門，玩盡了兩天，只有路環來回氹仔先搭左兩次車
我地曾經用雙腳走遍Sydney City ，翻過The Rocks找到Opera house
也曾經走遍Melbourne每一個地方
好喜歡那種靜靜的，與你一起步行的感覺 ~


今晚也不例外 ~
途中買左兩個Cheese cakes同糖蔥餅

9個字之後終於見到呢個標誌啦 ~ 我地就黎到啦 ~

累了 ~ 休息幾分鐘

然後我地去小曼谷食野 ~ 都係食開既好味 ~ 肉鬆炒飯勁勁勁好味 ~~~

椰皇沙冰 ~~

食到好飽好飽之後 ~ 我地就去搭車走，點知架巴士岩岩走左
於是我地決定行路番屋企 ! 旺角xx花園 ( 近奧運 )

九龍塘 → 九龍城 → 旺角西

Yes! 成功!

傑呢晚好鬼死開心 ~



                                                                                                                        麗